पोखरा, ६ फागुन । तनहुँको शुक्लागण्डकी नगरपालिका—११ राईपुरस्थित आधारभूत माध्यमिक विद्यालयको ३१ औं वार्षिकोत्सव तथा अभिभावक दिवस सम्पन्न भएको छ ।

कार्यक्रमको गण्डकी प्रदेशका मुख्य सचिव लक्ष्मीराम पौडेलले शुभारम्भ गर्दै प्राविधिक शिक्षा प्रदान गर्न आवश्यक भएको वताए ।

सो अवसरमा शुनपा—११ का वडा अध्यक्ष दलबहादुर थापा, फिरफिरे श्रोत केन्द्रका श्रोत व्यक्ति धननारायण श्रेष्ठ, पूर्व विव्यस अध्यक्ष राजेन्द्र भट्टराई क्षेत्री , शिक्षक अभिभावक संघ अध्यक्ष हीमकुमारी पौडेल, विद्यालयका प्रधानाध्यापक ज्ञाननारायण पौडेलले विद्यालयको वार्षिक प्रतिवेदन प्रस्तुत गरेका थिए ।

सो समारोहमा भुपु प्रअ पुर्णबहादुर शाही, शिक्षकहरु नारायणप्रसाद पौडेल, चिरञ्जीवी शाही, उमेश सुनार, जग्गादाताहरु, विशिष्ट आजीवन सदस्यलगायतलाई सम्मान गरिएको थियो ।

कार्यक्रममा जेहेन्दार तथा विपन्न विद्यार्थीलाई छात्रवृत्ति वितरण गरिएको थियोे ।अतिरिक्त क्रियाकलापमा उत्कृष्ट विद्यार्थीलाई पुरस्कार वितरण गरिएको थियो । विद्यालय व्यवस्थापन समितिका अध्यक्ष थमनबहादुर आलेको अध्यक्षतामा उक्त कार्यक्रम भएको थियो ।