हेमजा, २९ पुस । हेमजास्थित तिब्रेकोट सामुदायिक वन उपभोक्ता समूहको शनिवार सम्पन्न १६ औं बार्षिक साधारणसभा तथा ८ औं अधिवेशनले दुइवषे कार्यकालका लागि पुनः विशालजंग कुँवरको अध्यक्षतामा ११ सदस्यीय कार्यसमिति चयन गरेको छ ।

समितिको उपाध्यक्षमा कृष्णबहादुर कुँवर, सचिवमा गीतालक्ष्मी त्रिपाठी, कोषाध्यक्षमा लक्ष्मी कुँवर, सह–सचिवमा प्रेमवहादुर कुँवर तथा सदस्यहरुमा राजु कुँवर, तुलाराम पौडेल, गीता कुँवर, शोभा केसी, सिमा जिसी र उमा त्रिपाठी छन् । त्यसअवसरमा सार्वजनिक सुनुवाईसमेत गरिएको थियो ।

कार्यक्रमको उद्घाटन गदै प्रमुख अतिथी डिभिजन वन कार्यालय कास्कीका डिभिजन वन अधिकृत धनञ्जय लामिछानेले वन समूहले गरेका कार्य विधिसम्मत र प्रभावकारी रहेको बताए । त्यस वनले गरेका कार्यहरुको अनुशरण अन्य वन समूहले पनि गर्दै जानुपर्ने उनको भनाई थियो ।

गैरसरकारी संस्था महासंघ नेपालका केन्द्रीय महासचिव रामप्रसाद सुवेदीले समूहले गरेका कार्यहरुको प्रशसा गर्नुका साथै समूहको आगामी साधरणसभामा संस्थाको तर्फवाट २ विद्यार्थीलाई छात्रबृत्ति प्रदान गर्ने प्रतिबद्घता व्यक्त गरे ।

केयर नेपाल हरियो वन कार्यक्रमका टिम लिडर देवराज गौतमले सामुदायिक वन समूहको संस्थागत क्षमता विकासमा जोड दिए ।

सो अवसरमा समूहका अध्यक्ष विशालजंग कुँवरले गत आ.व.मा सम्पन्न भएका विविध कार्यक्रमसहितको प्रगति विवरण, सचिव कृष्णवहादुर कुँवरले गत आ.व. तथा चालु आ.व.को संस्थागत विकास र सुशासनसँग सम्वन्धित प्रतिवेदन र कोषाध्यक्ष गीतालक्ष्मी त्रिपाठीले लेखापरीक्षण प्रतिवेदन साथै चालु आ.व.को रु.१४ लाख १० हजार ७ सयको प्रस्तावित आय– यय वजेट प्रस्तुत गरेकी थिइन् ।

कार्यक्रममा गभेर्कुना वनका अध्यक्ष झपटवहादुर सापकोटा, उपभोक्ता सदस्यहरु दयाराम बास्तोला, रामचन्द्र त्रिपाठी, सामुदायिक वन महासंघ पोखराका अध्यक्ष कमलमणि त्रिपाठीलगायतले शुभकामना मन्तव्य राखेका थिए । सामुदायिक वन समूहको संस्थागत क्षमता विकासमा उल्लेखनीय योगदानको कदर गर्दै केयर नेपाल तथा गोनेसा कास्कीलाई सम्मानसमेत गरिएको थियो ।

वन समूहका अध्यक्ष कुँवरको अध्यक्षतामा सम्पन्न उक्त कार्यक्रममा सहसचिव प्रेमबहादुर कुँवरले स्वागत तथा संचालन सचिव कृष्णवहादुर कुँवरले गरेका थिए ।