पोखरा, ३ पुस । नेपाली काँग्रेसको केन्द्रीय समितिमा सहमति जुट्न नसकेको पार्टीपदाधिकारीको संख्या र निर्वाचित हुने पद्दतिबारे नेताहरु सहमतिमा पुगेका छन् ।
विभिन्न विकल्पमाथि भएको छलफलपछि सभापतिसहित २ उपसभापति, २ महामन्त्री र २ सहमहामन्त्री निर्वाचनबाट चयन हुने सहमति जुटेको हो । सो पदमा निर्वाचित हुनुपर्ने बैठकको निर्णय छ ।
यसअघि निर्वाचनबाट चयन हुने कोषाध्यक्ष पद भने सहमति अनुसार पार्टीसभापतिले मनोनयन गर्ने व्यवस्था गरिएको छ । त्यसैगरी पार्टीप्रवक्ता समेत सभापतिले मनोनयन गर्नेछन् ।
यसअघि लामो समयसम्म सहमति जुट्न नसकेकोमा अब भने सभापतिसहित पदाधिकारीको संख्या ९ जना रहने व्यवस्था कायम गरिएको छ ।
विधान संशोधन मस्यौदा समितिका प्रवक्ता रमेश लेखकका अनुसार बुधबार केन्द्रीय कार्यसमिति बैठक बसेर पारित गरेपछि बुधबार नै महासमिति विधान पेस गरिनेछ ।
यस्तै, हाल ८५ जना रहेको केन्द्रीय कार्यसमितिलाई बढाएर १ सय ६१ सदस्यीय बनाइने सहमति पनि काँग्रेस बैठकले गरेको छ ।
सभापति देउवा तथा उनी निकटहहरुले सभापति बाहेक २-२ जना उपसभापति, महामन्त्री र सहमहामन्त्री राख्ने त्यसमध्ये १-१ जना निर्वाचित हुने र १-१ जना मनोनीत हुने प्रस्ताव गरेका थिए। तर देउवा इतर नेताहरुले भने पदाधिकारी संख्या ३-३ जना हुनुपर्ने तथा ती सबै पदाधिकारी निर्वाचनबाट चयन हुनुपर्ने प्रस्ताव गरेका थिए ।
सहमति बन्नुपछाडि पार्टीका पूर्व महामन्त्री कृष्णप्रसाद सिटौलाको भूमिका महत्वपूर्ण रहेको बताइएको छ । देउवा पक्ष र देउवा इतरको अडानबीचमा सिटौलाले दुवै पक्षलाई सहमति हुने गरी सो विकल्प पेस गरेका थिए ।
सो सहमतिले सभापति देउवाले भनेजस्तो पदाधिकारीको संख्या २-२ रहने र कोषाध्यक्ष र प्रवक्ता सभापतिले मनोनीत गर्ने विषय समेटिएको छ ।
दुवै पक्षलाई जितको अनुभूति हुने गरी सिटौलाले सहजिकरण गरेको बैठकमा सहभागी एक नेताले बताए ।
वरिष्ठ नेता रामचन्द्र पौडेल पक्षबाट सहमति जुटाउने बैठकमा सहभागी नेता अर्जुननरसिंह केसीले पार्टीपदाधिकारी निर्वाचनबाटै चुनिनु पर्ने अडान छोडेका थिएनन् । महासमितिको भावनाअनुसार पनि पदाधिकारी मनोनीत हुन नहुने अडान अन्तिमसम्म राखेका थिए ।
बैठकमा यसअघि नै पेश भएका राजनीतिक, सांगठनिक, समग्र आर्थिक नीति र पार्टीको आन्तरिक आर्थिक प्रतिवेदनमाथिको छलफल समेत ओझेलमा परेको छ ।
काँग्रेसले संविधानको सङ्घीय व्यवस्थाअनुसार पार्टीको विधानलाई परिमार्जन गर्न महामन्त्री पूर्णबहादुर खड्काको संयोजकत्वमा विधान संशोधन मस्यौदा समिति गठन गरेको थियो ।
‘गौरवमय इतिहास, जिम्मेवार वर्तमान, उज्यालो भविष्य’ नाराका साथ मंसिर २९ देखि शुरु महासमिति बैठक पुस ४ सम्म चल्ने भनिए पनि लम्बिने सम्भावना छ ।
बैठकमा संसदीय निर्वाचन क्षेत्रबाट निर्वाचित महासमिति सदस्य, पार्टीको केन्द्रीय समिति, भ्रातृ र शुभेच्छुक संस्था, विदेशस्थित जनसर्म्पर्क समितिका प्रतिनिधि, मनोनीत महासमिति सदस्य, निवर्तमान केन्द्रीय सदस्य गरी झण्डै १ हजार ७ सय प्रतिनिधि सहभागी छन् ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१