लेखनाथ, २७ असोज। लेखनाथ नगर क्षेत्रमा व्यवस्थित खानेपानी प्रबन्ध गर्दै आएको लेखनाथ साना शहरी खानेपानी तथा सरसफाइ उपभोक्ता संस्थाको १४ औं वाषिर्क साधारणसभा सम्पन्न भएको छ।
पूर्व स्वास्थ्य मन्त्री समेत रहेका प्रतिनिधिसभा सदस्य खगराज अधिकारीले पानीका कारण ८० प्रतिशतभन्दा बढी रोग लाग्न सक्ने भएकाले हामीले प्रयोग गर्ने पानी शुद्ध र सफा हुनु पर्ने बताए । जनताबाट संचालित सो योजनामा सरकारको पनि सहयोग रहनु पर्ने भएकाले उपल्लो निकायसम्म कुरा पुर्याउन आफू तयार रहेको उनले बताए ।
पानी शुद्धिकरणदेखि पहाडी भू-भागमा खानेपानीको सुविधा विस्तारका योजना प्रभावकारी रुपमा अघि बढाउन सुझाव दिँदै उनले भने, ‘हामीले खानेपानी मुहानदेखि मुखसम्म आइपुग्दा पानी कसरी शुद्ध गर्न सकिन्छ भन्नेबारे चिन्तनशील हुनुपर्छ ।’
पोखरा महानगरपालिकाका प्रमुख मानबहादुर जिसीले यस क्षेत्रका जनतालाई कसरी सर्वसुलभ तरिकाले खानेपानी पुर्याउन सकिन्छ भन्नेबारे महानगरपालिका जानकार भएको उल्लेख गर्दै योजना लिएर आए, सहयोग गर्न तयार रहेको बताए ।
कार्यक्रममा प्रदेश संासद दीपक कोइरालाले विकास भनेको शिक्षा, स्वास्थ्य, बाटो, पुल, कुलो-कुलेसा मात्र नभई सर्वसुलभ तरिकाले खानेपानी उपलब्ध गराउनु पनि विकास भएकाले प्रदेश सरकार यसतर्फ गम्भीरताका साथ लागेको बताए ।
संस्थाका अध्यक्ष विष्णुप्रसाद बरालको अध्यक्षतामा भएको सो कार्यक्रममा क्षेत्रीय अनुगमन तथा सुपरीवेक्षण कार्यालयका क्षेत्रीय निर्देशक रमाकान्त दवाडी, वडा २९ का वडाध्यक्ष चेतबहादुर गुरुङ, भरतपोखरी साना शहरी खानेपानी आयोजना अध्यक्ष केशर निदोर्षी, लेखनाथ उद्योग बाणिज्य संघका अध्यक्ष कृष्णहरि भण्डारी लगायतले आ-आफ्नो धारणा राखेका थिए। सोही अवसरमा संस्थाका पूर्व पदाधिकारी हरिप्रसाद बराल, खेमबहादुर पुन, मनदेवी गुरुङ, कर्मचारी शिवप्रसाद अमात्य र विश्वराज भण्डारी साथै निर्माण कम्पनीका प्रतिनिधिलाई सम्मान गरिएको थियो।
संस्थाका सचिव मुराली शर्माले संचालन गरेको सो कार्यक्रममा धन्यवाद ज्ञापन उपाध्यक्ष हरिप्रसाद लामिछानेले गरेका थिए।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१