लेखनाथ, २५ असोज। गण्डकी प्रदेश भूमि व्यवस्थापन, कृषि तथा सहकारी मन्त्री लेखबहादुर थापाले सहकारीमा सेयर सदस्यको पैसा लिएर ब्याजको रुपमा बोनस कमाउने प्रचलन अन्त्य हुनुपर्नेमा जोड दिएका छन्।
रुपाताल पुनस्र्थापना तथा मत्स्यपालन सहकारी संस्थाको १७ औं वाषिर्क साधारणसभा उद्घाटन गर्दै मन्त्री थापाले पैसाले कमाउने नभै उत्पादनमैत्री वातावरण सृजना गरी आयआर्जनमा लाग्न सुझाए ।
प्रदेश सरकारले मंसिर पहिलो हप्तासम्ममा सहकारी नीति ल्याउने उनले जानकारी दिए । रुपा गाउँपालिका अध्यक्ष नवराज ओझाले रुपातालमा बाँध निर्माणका लागि स्थानीयवासी बाधक नभै उचित मौजाको सवालमा पुनर्विचार भए सहयोगी भएर भएर अगाडि बढ्न तयार रहेको बताए ।
नार्कका प्रमुख डा टेकबहादुर गुरुङले रुपाताल जलाधार क्षेत्रको विकास पर्यटन विकासका लागि गौरवको योजना भएकाले केही पाउन केही गुमाउनु पर्ने बताए ।
जिल्ला सहकारी संघ कास्कीका अध्यक्ष रविरमण तिवारीले सहकारीको सेयर सदस्य भएपछि उसको जीवनस्तर सुधार हुने खालका कार्ययोजना ल्याउनु पर्ने सुझाव दिए ।
संस्थाका अध्यक्ष लेखनाथ ढकालको अध्यक्षतामा भएको सो कार्यक्रममा प्रमुख जिल्ला अधिकारी चक्रबहादुर बुढा, रुपाताल संरक्षण एकीकृत विकास परियोजनाका प्रमुख रामप्रसाद अर्याल, लि-वर्डका प्रतिनिधि वीरबहादुर तामाङ, लेखनाथ उद्योग वाणिज्य संघ पूर्व अध्यक्ष कृष्णहरि भण्डारी, संस्थाका निवर्तमान अध्यक्ष कुलप्रसाद अधिकारी, नेकपा नेता टीकाराम पंगेनी, काँग्रेस नेता राजेन्द्रमणि लामिछाने लगायतले बोलेका थिए। संस्थाका सचिव शिवराज अधिकारीले संचालन गरेको सो कार्यक्रममा स्वागत मन्तव्य उपाध्यक्ष जानुका अधिकारीले दिएकी थिइन्। रुपाताल संरक्षण गर्दै आय आर्जनका लागि माछापालन गर्दै आएको सहकारीमा हाल आठ सय १७ जना सेयर सदस्य छन्।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१