पोखरा । पोखरा १२ का वडाध्यक्ष सन्तोष बास्तोलाले सिकेको सिप सदुपयोग गर्दै सामूहिकरूपमा उद्यम गरी उत्पादनमा जोडिने महिला समूहलाई सहयोग गर्ने जनाएका छन् ।
महिलाहरूका लागि आयोजित हस्तकला तालिमको सोमबार समापनमा प्रमाणपत्र वितरण गर्दै उनले सो कुरा बताएका हुन् । उनले भने, ‘तपाईहरू उद्यमी बन्नुहुनेछ, कम्पनी खोल्नु हुनेछ र मलाई उद्घाटनका लागि निम्तो दिनुहुनेछ । उनले महिला दिदीबहिनीको माग आधारमा वडा कार्यालयले एकमहिने हस्तकलाको तालिम दिइ दक्ष बनाएको हुँदा राज्यको लगानी सदुपयोग भएको दाबी गरे ।
विधाता हस्तकला तथा प्राविधिक तालिम केन्द्रका सञ्चालक एवं मुख्य प्रशिक्षक सविता श्रेष्ठले महिला दिदीबहिनीको सिपमा निखारता आउँदा सिधैँ रोजगार र उद्यमशीलतामा जोडिन सहयोग पुग्ने बताइन् । सिप सिक्दासिक्दै रोजगारमा आवद्ध हुनु र उत्पादन गरेका सामग्री अब्बल भई बजार पाउनुले तालिमको औचित्य पुष्टि भएको जनाइन् ।
प्रशिक्षार्थी सुनिता कोइरालाले सिकाइका क्रममा दक्षता प्राप्त भएको बताइन् । तालिम अवधिमै दर्जन बढी सामग्री तयार हुँदा खुसी व्यक्त गर्दै वडा कार्यालयलाई धन्यवाद दिइन् । प्रशिक्षार्थी हरिदेवी बुढामगरलाई उत्कृष्ट प्रशिक्षार्थीको रूपमा पुरस्कृत गरिएको थियो भने सीतादेवी ढकालाई लगनशीलताका साथ सिप सिकेका कारण रोजगारमा आवद्ध गरिएको छ ।
तालिममा वडाभित्रबाट छनोट १५ जना प्रशिक्षार्थीले भाग लिएका थिए । तालिम अवधिमा प्रशिक्षार्थीले १४ प्रकारका २ सय १० हस्तकलाजन्य सामग्री तयार गरेका थिए ।
वडा सदस्य एवं तालिम संयोजक शान्तिदेवी कोइरालाको अध्यक्षतामा सम्पन्न तालिम समापनमा सदस्य गुमादेवी परियाले स्वागत मन्तव्य राखेकी थिइन् भने सदस्य शान्तबहादुर थापाले कार्यक्रम सञ्चालन गरेका थिए ।
Related News
सम्बन्धित समाचार
आयआर्जन र पर्यटन प्रवर्द्धनको माध्यम बन्दै महसिकार
सर्प संरक्षण सम्बन्धी सचेतनामूलक कार्यक्रम
अपांगता भएकालाई व्यावसायिक तालिम
बनेका धारा भत्किन थाले तर पानी आएन
फेवाबाट जलकुम्भी हटाउन अभियान सुरु
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१