लेखनाथ । वेगनास तालमा यही चैत ११ र १२ मा प्रथम राष्ट्रिय ड्रागन बोट रेस प्रतियोगिता हुने भएको छ । पानीमा खेलिने विभिन्न प्रकारका खेलमध्ये ड्रागन बोट रेस वेगनासमा पहिलो पल्ट हुन लागेको हो । केही समयअघि फेवातालमा अन्तर्राष्ट्रियस्तरको ड्रागन बोट रेस भएको थियो ।
पर्यटन प्रवद्र्धनमा सहयोग पुग्ने गरी ड्रागन बोट एसोसिएसन गण्डकी, पोखरा महानगरपालिका र होटल तथा रेस्टुरेन्ट एसोसिएसन लेखनाथको संयुत्त आयोजनामा सो प्रतियोगिता हुन लागेको मंगलबार लेखनाथमा आयोजित पत्रकार सम्मेलनमा जानकारी दिइएको हो ।
वेगनासतालको पिप्ले टुँडादेखि मन्दरे पार्कसम्म हुने प्रतियोगितामा करिब १६ समूहको सहभागिता रहन अनुमान आयोजकको छ । प्रतियोगितामा ५ सय र २ सय मिटरका इभेन्ट हुने छन ।
५ सय मिटरमा प्रथम हुनेले २ लाख, दोस्रोले १ लाख ५० हजार र तृतीय हुनेलाई ७५ हजार प्राप्त गर्ने छन् । २ सय मिटरतर्फ प्रथमले १ लाख, दोस्रोले ५० हजार र तेस्रोले २५ हजार पुरस्कार प्राप्त गर्ने प्रतियोगिता संयोजक होटल तथा रेस्टुरेन्ट एसोसिएसन लेखनाथ अध्यक्ष वीरभद्र कँडेलले बताए ।
छिमेकी चीनदेखि सुरु यो प्रतियोगिता हाल विश्वका ७५ देशमा सञ्चालन हुँदै आएको छ । ड्रागन आकारको डुंगामा १२ जनाको समूहले डुंगा चलाउने र जुन समूहले निर्धारित दुरी छोटो समयमै पार गर्छ उही विजयी हुने छन् ।
उक्त प्रतियोगिताको प्रवद्र्धक नेपाल पर्यटन बोर्ड गण्डकीका प्रमुख नवीन पोखरेलले यहाँ रहेका सबै तालहरुमा कुनै न कुनै गतिविधि सञ्चालन गर्नका लागि वेगनासताल रोजिएको र पानीमा पनि खेलका कार्यक्रम गरेर यस क्षेत्रको पर्यटन विकासमा जोड पुग्ने बताए ।
समितिको सदस्यमा ड्रागन बोट एसोसिएसन अध्यक्ष दीपक सुवेदी र पोखरा महानगरपालिका पर्यटन प्रवद्धन समितिका संयोजक देवेन्द्र पौडेल छन् ।
Related News
सम्बन्धित समाचार
१०२ वर्षमा आँखाको ज्योति फर्किएपछि…
माछा मर्नेक्रम नरोकिएपछि आँधीमूलमा क्षमापूजा
पोखरा सिँगार्न दिनहुँ श्रमदानमा खटिन्छन् सीताराम
पोखरा १५ मा अपांगता भएका २११ जना
आयआर्जन र पर्यटन प्रवर्द्धनको माध्यम बन्दै महसिकार
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१