पोखरा । जिल्ला अधिवेशनको मुखैमा आएर नेकपा एमाले कास्कीका विवाद चुलिएको छ । चैत १० र ११ गतेका लागि तय गरिएको जिल्ला अधिवेशनका लागि चैत ३ गते शनिबार प्रतिनिधि छनोटको कार्यतालिका राखिएकामा विवादकै कारण स्थगित भएको छ ।
नेकपा एमालेको केन्द्रीय संगठन विभाग प्रमुख काशिनाथ अधिकारीले पार्टीको गण्डकी प्रदेश कमिटीलाई पत्र पठाई कास्कीमा प्रतिनिधि छनौट प्रक्रिया स्थगित गर्न निर्देशन दिएका छन् । प्रतिनिधि छनौट विधिका बारेमा संगठन विभागमा उजुरी परेपछि यस्तो निर्देशन दिनुपरेको उनले उल्लेख गरेका छन् ।
नेकपा एमाले कास्कीका इन्जार्ज थममाया थकालीसहित कास्कीबाट केन्द्रीय कार्यसमितिमा प्रतिनिधित्व गर्ने केही केन्द्रीय सदस्य र जिल्ला कमिटीका केही पदाधिकारीले संगठन विभागमा उजुरी दिएका कारण प्रतिनिधि छनौट स्थगित गर्न निर्देशन दिनु परेको संगठन विभाग प्रमुख अधिकारीले बताएका छन् ।
संगठन विभागले जिल्ला अधिवेशनमा सहभागी हुने प्रतिनिधि छनौट गर्ने विधि बारेको बुझाइमा बिल्कुलै एकरुपता नभएको भन्दै पुन जिल्ला कमिटीको बैठक बसेर एक रुपता कायम गरी प्रतिनिधि छनौट गर्न निर्देशन दिएको छ ।
पहिला पार्टी सचिव बैनबहादुर क्षेत्री थोरै प्रतिनिधि ल्याउने गरी अन्तरपार्टी निर्देशन जारी गरेका थिए । तर पार्टी अध्यक्ष मनबहादुर गुरुङले प्रतिनिधि बढाउने गरी अन्तरपार्टी निर्देशन जारी गरेपछि यसैलाई विवादको विषय मानेर संगठन विभागले हस्तक्षेप गरेको हो ।
अध्यक्षले गुरुङले प्रतिनिधि छनोटका लागि पठाएको सर्कुलर जिल्ला कमिटीको निर्णय विपरीत भएको भन्दै सचिव क्षेत्रीको आरोप छ । उता अध्यक्ष गुरुङले जिल्ला कमिटीको निर्णय र केन्द्रीय समितिको सर्कुलर अनुसार प्रतिनिधि छनोटको मापदण्ड अनुसार नै सर्कुलर पठाएको ठोकुवा गरेका छन् ।
खासगरी गण्डकीमा पृथ्वीसुब्बा गुरुङ र खगराज अधिकारी समूहकै टकरावका कारण यो स्थिति सिर्जना भएको एमालेकै कार्यकर्ताहरु बताउँछन् । पार्टीका आन्तरिक बैठक र छलफलहरुमा खगराज अधिकारी पिएसविरुद्ध खुलेरै व्यक्तिगत आरोपमा उत्रेको बैठकमा सहभागी कार्यकर्ताहरुले बताएका छन् । म्याग्दी र गोरखामा पिएस समूह विजयी भएपछि कास्कीमा त्यो अवस्था आउन नदिन खगराज समूहले केन्द्र गुहारेको एकथरीको भनाइ छ ।
कास्की जिल्ला कमिटीको बैठकले प्रतिनिधि छनोट गर्दा ४० जना पार्टी सदस्यलाई आधार मान्ने भन्ने निर्णय गरेको थियो । ४० जना पार्टी सदस्यलाई आधार मानेर ती सदस्यबाट २ जना खुला, १ जना महिला र १ जना उत्पीडित प्रतिनिधि चयन गर्ने निर्णय जिल्लाले गरेको छ ।
४० भन्दा बढी पार्टी सदस्य भएको हकमा प्रतिनिधि छनोट गर्ने विषयमा जिल्लाबाटै दुईथरी निर्देशन जारी भएपछि विवाद सुरु भएको हो । अध्यक्ष गुरुङले जारी गरेको अपानिमा ४० भन्दा बढी सदस्य भएको हकमा प्रत्येक २१ जना पार्टी सदस्य बराबर थप १ जना प्रतिनिधि चयन गर्नु पर्नेछ भन्ने उल्लेख छ ।
सचिव बैनबहादुर क्षेत्रीले भने ४० लाई आधार मानेपछि थप ४० जना पार्टी सदस्यबाट १ जना प्रतिनिधि चयन गर्ने निर्णय जिल्ला कमिटीले निर्णय गरेको भए पनि अध्यक्षले जिल्लाको निर्णय विपरीत २१ जनाबाट थप १ प्रतिनिधि पठाउने गरी सर्कुलर गरेको आरोप लगाए ।
केन्द्रले जिल्ला अधिवेशनका सम्बन्धमा पठाएको निर्देशन अन्तर्गत नै रहेर जिल्लामा निर्णय भएको र त्यही अनुसार जानुपर्ने उनको भनाइ छ । ‘महासचिवले पठाएको अपानिमा आधार संख्या तय गरेपछि थप प्रतिनिधि त्यही आधार संख्याको ५० प्रतिशत भन्दा बढी भएपछि थप १ प्रतिनिध चयन गर्नुपर्नेछ भन्ने विषय जिल्ला कमिटी बैठकमै पढेर सुनाएको थिएँ, यसैका आधारमा थप २१ सदस्यबाट १ जना प्रतिनिधि पठाउन सर्कुलर पठाएको हुँ,’ अध्यक्ष गुरुङले भने ।
Related News
सम्बन्धित समाचार
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
hero news full width
मुख्य समाचार
जिबी राईको राहदानी रद्द भएन
लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१