पोखरा । संघीय सरकारमा फेरबदलको चर्चा चलिरहँदा प्रतिनिधि सभा र राष्ट्रिय सभाको बैठक स्थगित भए पनि गण्डकी प्रदेश सभाको बैठकमा भने त्यसको प्रभाव परेको छैन । त्यसो त माथिको समीकरणले यहाँको सरकार समेत धरमराएको छ ।
प्रदेश सभाको आइतबारको बैठकको शून्य समयमा प्रदेश सभा सदस्यहरुले नागरिकसँग जोडिएका सवाल उठाएका छन् । सदस्य डिल्लीराम सुवेदीले बागलुङको पश्चिमी खण्डका सडकहरु तत्काल पुननिर्र्माण गर्न ध्यानाकर्षण गराए । निर्मला थापाले कृषि विमा प्रभावकारी नभएको बारे भनाइ राखिन् । पद्मा जिसी श्रेष्ठले चितवन बुटवल सडक खण्डमा यातायात आवागमन बन्द हुँदा यात्रुले सास्ती खेपेको भन्दै सरकारको ध्यानकर्षण गराइन् ।
पार्वती तामाङले मध्यपहाडी लोकमार्ग अन्तर्गत मध्यनेपाल नगरपालिकाको भोर्लेटार र सुन्दरबजार खण्डको निर्माणले गति लिन नसकेको बताइन् । उनले भनिन्, बजार भत्काउने कि वैकल्पिक बाटो खोल्ने टुंगो लागेको छैन, यसको निक्र्योल गरेर काम थाल्न आग्रह गर्छु ।’ प्रकाश बरालले कास्कीको अन्नपूर्ण २ मा र पोखरा २३ मा गत वर्षको बाढीले पु¥याएको क्षतिका पीडितले राहत नपाएको बारे ध्यानाकर्षण गराए ।
प्रकाशबहादुर केसीले पोखरा १४ बाच्छेबुडुवामा सेती र फुस्रेखोलाले शिव मन्दिरमा क्षति पुर्याएको नजिकैको वृद्धाश्रम समेत खतरामा विषय उठान गरे ।
फडिन्द्र देवकोटाले प्रदेश सभाबाट ६६ वटा कानुन बने पनि तर कार्यान्वयनको अवस्था बारे प्रदेश सभा र सरकार बेखबर रहेको बताए । सुविधा सम्बन्धमा जोडिएका कानुन कार्यान्वयन भए पनि अरु कानुन कार्यान्वयन किन हुन सकेनन् ? भनेर उनले प्रश्न गरे ।
विकल शेरचनले खानेपानी सबडिभिजन कार्यालय मुस्ताङको स्तरोन्नती गरी सिँचाइ हेर्ने गरी डिभिजनल इन्जिनियरको दरबन्दी कायम गर्न माग गरे । भीमबहादुर कार्कीले सरकारले पुजीगत खर्च गर्न नसकेको बताए । दम्सादी पुलले गति लिन नसकेन, ढुंगे खोलाको पुल, पोखरा १७ कै बाटो बन्न नसकेको, प्रदेश सकारको कार्यालय वरपरको बाटो हिलाम्मे रहेकामा उनले ध्यानाकर्षण गराए ।
सीताकुमारी सुन्दास ८ मार्च अन्तर्राष्ट्रिय श्रमिक महिला दिवस मनाउन लागिएको भन्दै सरकारले महिलाको उत्थान, विकासमा कामको प्रगति विवरण माग गरिन् । श्यामराजा महतले दुलेगौंडाबाट स्याङ्जा जोड्ने सेतीको पुल जीर्ण, दुलेगौंडा बजारसमेत कटानका कारण जोखिममा रहेको भन्दै जोगाउन तत्काल पहल गरियोस् भनी माग गरे ।
Related News
सम्बन्धित समाचार
पोखरामा बुद्ध जयन्तीको सप्ताहव्यापी कार्यक्रम
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
hero news full width
मुख्य समाचार
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१पहिले छाती नाप्न गल्ला आउँथे, अहिले एजेन्ट
वैशाख ३१, २०८१