पोखरा । कास्की मोर्डनाइज्ड एकेडेमीले रजत महोत्सव यही शुक्रबार भव्य कार्यक्रमबीच सम्पन्न गर्दैछ । स्थापनाको २५ औं वसन्त पार गर्दै गरेको अवस्थामा विद्यालयले यो वर्षभरि विविध कार्यक्रम गरेको हो ।
विद्यालयले यस अवधिमा अन्तरविद्यालय जिल्लास्तरीय युगल नृत्य, चित्रकला, लोकगीत प्रतियोगिता गरिसकेको छ । रक्तदान कार्यक्रम, नेत्रहीनका लागि सेतो छडी वितरण, सडकमा गाएर गुजारा चलाउनेहरुका लागि स्वीटरसमेत वितरण गरेको थियो । जिल्लास्तरीय प्रतियोगिताका विजेतालाई २६ माघ, शुक्रबार हुने रजत महोत्सव समापन समारोहमै पुरस्कार वितरण गरिने सहायक प्रधानाध्यापक शिवलाल उपाध्यायले बताए ।
सो समारोहमा राष्ट्रिय सभाका अध्यक्ष गणेश तिमिल्सिनाले रजत स्तम्भ अनावरण गर्ने कार्यक्रम छ । कार्यक्रममा विद्यार्थी, अभिभावक, भूपू विद्यार्थी, भूपू शिक्षक गरी करिब ५ हजार जनाले उपस्थित जनाउने विद्यालयको अपेक्षा छ ।
कार्यक्रममा लोकसंगीत क्षेत्रबाट नारायण रायमाझी, हास्यव्यङ्ग्य कलाकारिता क्षेत्रबाट शैलेन्द्र सिंखडा, शिक्षा क्षेत्रबाट प्राडा गणेशमान गुरुङलाई नगद र ताम्रपत्रसहित अभिनन्दन गरिने छ । साथै शिक्षक, कर्मचारीहरुलाई दीर्घसेवा तथा केएमए रत्नपदकद्वारा सम्मान गरिने छ । रजत महोत्सव अवसर पारेर विद्यालयले रेडक्रस सोसाइटीको निर्माणाधीन भवनलाई ७० हजार र महावीर पुन आविस्कार केन्द्रलाई ५० हजार सहयोग गर्ने जनाएको छ ।
उक्त समारोहमा विद्यार्थीद्वारा निर्मित सामग्रीको शैक्षिक प्रदर्शनी, होटल म्यानेजमेन्टका विद्यार्थीले खाजा र चिया कफी डेस्क सञ्चालन, कास्की मोर्डनाइज्डमै पढेर अहिले डाक्टर र नर्स बनेकाहरुले हेल्थ क्याम्पस चलाउने छन् ।
कार्यक्रममा विद्यार्थीले नृत्य, गायन, चित्रकला, मार्सल आर्ट, स्काउट सलामी, योगा, नाटक एवाकस आदि प्रस्तुत गर्नेछन् । गत वर्षको विभिन्न पुरस्कारसमेत सोही अवसरमा वितरण गरिने छ ।
२०५५ सालमा ९० विद्यार्थी र १३ शिक्षक लिएर पोखरा–१०, शिवचोकमा रामबहादुर मोचीद्वारा स्थापना गरिएको विद्यालय हाल पोखरा १४, चाउथेमा सुविधासम्पन्न भवनमा सञ्चालित छ । विद्यालयमा हाल २ हजार जना विद्यार्थी पढ्छन् । १ सय ६० शिक्षक कर्मचारी छन् ।
Related News
सम्बन्धित समाचार
मुस्ताङको लोमान्थाङमा वैकल्पिक सडक निर्माण
इन्द्रराज्यलक्ष्मी माविको ७१ औं वार्षिकोत्सव
छुट प्रदान गर्ने सम्झौता
‘मुख्यमन्त्रीको पिए हुँ’ भनी ठगी
सूर्यदर्शन सहकारीको अनुसन्धान प्रतिवेदन बुझाइयो
hero news full width
मुख्य समाचार
पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
आगलागीले सुन्तलाको बगैंचा सखाप
वैशाख २७, २०८१पोखराका घरको नक्सापास अब अनलाइनबाटै, युएनडिपीको सहयोग
वैशाख २६, २०८१कसको हातमा पर्ला वर्ष खेलाडीको उपाधि ?
वैशाख २६, २०८१गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१