पोखरा। पोखरामा शनिबारदेखि राष्ट्रियस्तरको खुला नेपाल स्नोकर प्रतियोगिता सुरु भएको छ । फाइनल स्कोर स्पोर्टस् बार प्रालिको आयोजनामा ड्यामसाइडमा सुरु प्रतियोगिता यही २८ माघसम्म चल्नेछ ।
प्रतियोगिता उद्घाटन गर्दै वडा प्रहरी कार्यालय बैदामका डिएसपी राजेन्द्र श्रेष्ठले संसारमा लोकप्रिय खेल स्नोकरलाई नेपालमा अझै व्यबस्थित बनाउनुपर्ने बताए । उनले खेलकुदले व्यक्तिलाई आत्मअनुशासन, समाजमा शान्तिसुरक्षा समेत कायम गर्न मद्दत पुग्ने बताए । स्नोकरलाई नेपाली समाजमा हेर्ने दृष्टिकोण अझै परिवर्तन गर्न आवश्यक भएको उनको भनाइ थियो ।
संघका केन्द्रीय अध्यक्ष सरोज मुल्मीले २०५२ सालमा नेपालमा स्नोकर संघ गठन भएको र कास्कीमा पहिलो शाखा विस्तार भएको उल्लेख गर्दै तर राखेपले यस खेलको प्रबद्र्धनमा खासै सहयोग नगरेको गुनासो गरे । ७७ जिल्लामा स्नोकर खेल पुगेको दाबी गर्दै उनले नेपालकै उत्कृष्टमध्यको एक स्नोकर हाउस फाइनल स्कोर हाउस भएको जनाए । नेपालमा पहिलो पटक अन्तर्राष्ट्रिय स्नोकर प्रतियोगिता गर्ने तयारी गरेको उनको भनाइ थियो । नवौं राष्ट्रिय खेलकुदमा स्नोकर नसमेटिएकोमा उनको गुनासो छ ।
संघ कास्कीका संस्थापक अध्यक्ष वसन्त गौचनले यस खेललाई करिब ४ दशकअघि सम्म ८ खेलाडीमात्र खेल्ने गरेकोमा हाल यस खेल भद्र व्यक्तिहरुले शान्त र शारीरिक व्यायामका लागि समेत खेल्न थालेको बताए । उनको अध्यक्षतामा २०५७ सालमा संघ कास्की दर्ता भएको हो । संघ कास्कीका प्रथम उपाध्यक्ष रामजी सुनारले यस खेलमा नेपालको राम्रो सम्भावना भएको बताउँदै वल्र्ड क्वालिफाई राउन्डमा खेलमा सहभागी नेपाली खेलाडीले उत्कृष्ट प्रदर्शन गरेको बताए ।
कम्पनी अध्यक्ष सोम बिकको अध्यक्षतामा भएको उद्घाटन सत्रको सञ्चालन सन्ध्या श्रेष्ठले गरेकी थिइन् । प्रतियोगितामा देशभरबाट १ सय २३ खेलाडीले भाग लिएका छन् । विजेताले १ लाख ५०, उपविजेताले ७० हजार र तेस्रो हुने २ जनालाई जनही २० हजार साथमा ट्रफी, मेडल र प्रमाणपत्र वितरण गरिने कम्पनीका सञ्चालकमध्येका एक प्रताप गुरुङले बताए ।
Related News
सम्बन्धित समाचार
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
hero news full width
मुख्य समाचार
जिबी राईको राहदानी रद्द भएन
लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१