पोखरा। २३ औं आहा रारा पोखरा गोल्डकपमा जावलाखेल युथ क्लब क्वाटरफाइनल प्रवेश गरेको छ । मछिन्द्र क्लबलाई १–० गोलले पराजित गर्दै जावलाखेल अघि बढेको हो ।
केही समयअघि राष्ट्रिय टोलीबाट सन्न्यास घोषणा गरेका विशाल श्रेष्ठको कप्तानीमा रहेको मच्छिन्द्रलाई हराउन ३८ औं मिनेटमा हिसुब थपलियाले गोल गरेका थिए । दुवै टिम सुरुवाती समयदेखि नै उत्कृष्ट लयमा देखिएका थिए । अघिकांश राष्ट्रिय टिमका खेलाडी लिएर मैदान उत्रिएको मच्छिन्द्रले गरेको एक गल्तीको फाइदा लिँदै जावलाखेलले गोल गरेको थियो । कप्तानको भूमिकाकामा समेत रहेका गोलरक्षक विशाल श्रेष्ठले ३८ औं मिनेटमा बल छाडिदिए । उनी अगाडि बढेको अवस्थामा जावलाखेलका हिसुब थपलियाले बललाई खाली पोस्टमा सहजै जाली चुनाएका हुन् ।
दोस्रो हाफमा मछिन्द्रले आफूलाई सम्हाल्दै आक्रामक खेलेको थियो । दोस्रो हाफको अधिकांश समय जावलाखेललाई दबाबमा राखेको मछिन्द्र खेलमा फर्कन सकेन । दोस्रो हाफको सुरुवाती समयमै मछिन्द्रले बराबरी गर्न असफल रह्यो । ४८ औं मिनेटमा मछिन्द्रका विमल घर्तीमगरले प्रहार गरेको फ्रिकिक क्रसबारमा लागेर फर्किन पुगेको थियो ।
५७ औं मिनेटमा मछिन्द्रका मनीष डाँगीले प्रहार गरेको बल जावलाखेलका गोलरक्षक अनीष देउलाले पञ्च गर्दै बचाए । त्यसको १ मिनेटमै सनिस श्रेष्ठले प्रहार गरेको फ्रिकिक देउलाले सहजै आफ्नो नियन्त्रणमा लिए । ८१ औं मिनेटमा जावलाखेलका सेवान्त थापाले प्रहार गरेको बल बाहिन पुगेको थियो । दोस्रो हाफमा दुवैतर्फबाट गोल हुन नसकेपछि हिसुबको गोल नै निर्णायक बन्न पुगेको थियो ।
आहा राराको २३ औं संस्करणसम्म आइपुग्दा यो मछिन्द्रको छैटौं र जावलाखेल युथ क्लबको चौथो सहभागिता थियो । तर, कुनै पनि संस्करणमा दुवै टिम सँगै भिडेका थिएनन् । मच्छिन्द्रका कोच सन्तोष न्यौपाने भने आहा रारा गोल्डकपमा आफ्नो टिमलाई अभागी ठान्छन् । न्यौपानेले जावलाखेलसँगको खेलमा भाग्य साथ नदिएको प्रतिक्रिया दिए । ‘आहा रारा खेल्न आएदेखि नै मच्छिन्द्रका लागि अनलक्की नै हुँदै आएको छ । यसलाई हामीले राम्रोसँग बुझेर आएका थियौं,’ उनले भने, ‘नभन्दै बिमलले हानेको फ्रिकिक बारमा लागेर फर्कियो । त्यो गोल भइदिएको भए खेलमा केही परिवर्तन आउन सक्थ्यो ।’ वर्क परमिटका कारण विदेशी खेलाडी खेलाउन नपाउँदा पनि खेल सोचे अनुरुप नभएको उनको प्रतिक्रिया थियो ।
जावलाखेलका प्रशिक्षक नरेश थापाले खेलाडीको मेहनतले जित सम्भव भएको बताए । उनले भने, ‘हाम्रो लागि जित्नु नै सबैभन्दा ठूलो कुरा थियो । अझ महत्वपूर्ण कुरा खेलाडीहरुले मेहनत गरेर खेलेका कारण नै जित सम्भव भएको हो ।’
जावलाखेलले अब मनाङ मस्र्याङ्दीसँग माघ १५ गते क्वाटरफाइनल खेल्नेछ । प्रतियोगिता अन्तर्गत शुक्रबार नेपाल पुलिस क्लब र एपिएफबीच अन्तिम प्रिक्वार्टर फाइनल खेल हुनेछ ।
Related News
सम्बन्धित समाचार
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
hero news full width
मुख्य समाचार
जिबी राईको राहदानी रद्द भएन
लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१