पोखरा । आँखा उपचारमा अब्बल हिमालय आँखा अस्पतालको ध्येय नाफा कमाउनु हैन । बिरामीको उपचारमा दिनरात खट्ने यो अस्पतालले सामाजिक उत्तरदायित्व पनि निर्वाह गर्दै आएको छ । बर्सेनि ८÷०१ लाख रुपैयाँ त उसले बिरामीको आँखाको अप्रेसन, औषधी तथा चस्मा वितरणमै खर्चिने गरेको छ ।
यसैक्रममा बिहीबार अस्पतालमा सापुकी एक बालिका भर्ना भइन् । घरको कमजोर आर्थिक अवस्थाले उपचारका लागि एक पैसो पनि तिर्न सक्ने अवस्था थिएन । अस्पताल प्रशासनले उनको पारिवारिक अवस्था बुझ्यो र तत्कालै निशुल्क अप्रेसन गरिदियो । उनी हुन्, पर्वत सदरमुकाम कुश्मा नगरपालिका वडा ११ की ७ वर्षीया अप्सरा बिक । उनका बाबु मानसिक रोगी छन् भने आमा केही समयअघि रुखबाट लडेर घाइते भएकी थिइन् ।
अस्पतालका प्रशासन प्रमुख एवं प्रवक्ता कुमार गर्बुजा भन्छन्, ‘हामीहरु नाफालाई मात्र हेर्दैनौं, कुनै पनि बिरामी पैसाको अभावमा उपचारबाट वञ्चित हुनुपर्दैन । ती बालिकको हकमा पनि हामीले पारिवारिक अवस्था बुझेर सहयोग गरेका हौं ।’ उनका अनुसार अस्पताले बर्सेनि ८ देखि १० लाखसम्म निशुल्क उपचारमै रकम खर्चिने गरेको छ ।
पर्वत कुश्माकी सापुकी बिरामी एक बालिकाको हिमालय आँखा अस्पतालले गरिदियो निशुल्क अप्रेसन
नेपाल नेत्रज्योति संघका अध्यक्ष वरिष्ठ अधिवक्ता सुरेन्द्र थापामगर पनि गर्बुजाको भनाइमा सहमत छन् । उनी भन्छन्, ‘हिमालय आँखा अस्पताल नाफामूलक संस्था हैन । दीनदुखीको लागि स्थापना भएको अस्पताल हो भन्ने यस कुराले पनि प्रमाणित गर्छ ।’ उनका अनुसार संवेदनशील आँखाको उपचारमा कोही पनि बिरामी पैसाको अभावमा उपचारबाट वञ्चित हुनुपर्दैन ।
अस्पतालमा अचेल दैनिक ५ सयदेखि ५ सय ५० जनासम्म बिरामी आँखाको उपचारका लागि आउने गरेका छन् । अघिल्लो वर्ष सन् २०२३ सापुको वर्ष भएकोमा यस वर्ष पनि फाट्टफुट्ट सापुका बिरामी आएको प्रवक्ता गर्बुजाले बताए ।
पोखरा १७, घारीपाटनस्थित यो अस्पतालले बिरामीको सेवामा ३ दशक पार गरिसकेको छ । अस्पतालका गण्डकी र कर्णालीमा गरी २७ आँखा उपचार केन्द्र छन् । बेलाबेलामा जुम्लालगायत विकट जिल्लामा पनि आँखा शिविर लिएर जाने गरेको अस्पताल प्रमुख डा. इलिया श्रेष्ठले बताइन् । नेपालमा चस्मा लगाउन नपर्ने गरी रेटिनासम्बन्धी अप्रेसन काठमाडौंको तिलगंगामात्र छ । बाँकी सबै सुविधा हिमालयमा पनि छ ।
Related News
सम्बन्धित समाचार
पोखरा सिँगार्न दिनहुँ श्रमदानमा खटिन्छन् सीताराम
पोखरा–१२ का सामुदायिक विद्यालयमा संस्कार शिक्षा
क्लबस्तरीय पुरुष भलिबल, जनकल्याण पोखरा–११ फाइनलमा
प्रतिभामा बोल्ने कलासम्बन्धी तालिम
रोटरीको निशुल्क दन्त शिविर
hero news full width
मुख्य समाचार
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१