लमजुङ । त्रिवेणी युवा क्लब आयोजनामा ३१ औं त्रिवेणी कप प्रतियोगितामा जारी छ । शनिबारको खेलमा ठाडाराई अधिकारी समाज बेसीशहर–९ विजयी भएको छ । उसले पेन्गुइन एजुकेसन भरतपुर–२४ लाई ३–१ गोलअन्तरले हराउँदै दोस्रो चरणमा प्रवेश गरेको छ ।
जितमा सुनिल गोलेले २ गोलको योगदान दिए । उनले खेलको १५ औं मिनेटमा गोलको खाता खोलेका हुन् । त्यसको ६ मिनेटमा अर्को गोल थपे । अनिल चौधरीले ३२ औं मिनेटमा फेरि गोल थप गरेर जित सुनिश्चित पारेका थिए । पेन्गुइनतर्फबाट भने दोस्रो हाफको पहिलो मिनेटमै मनीष गिरीले सान्त्वना गोल फर्काए ।
अभिशेक चर्च नवलपुर र क्विक गोर्खा सिंग्नल गोरखाको खेलमा नवलपुर २–० गोलअन्तरले विजयी भयो ।
गण्डकी प्रदेशमा हुने फुटबल प्रतियोगितामधये यो दोस्रो ठूलो धनराशिको प्रतियोगिता हो । प्रतियोगितामा कुल २१ टिमले भाग लिएको आयोजक समितिका अध्यक्ष राजकुमार घिमिरेले बताए । साविक विजेता आयोजक भने बिहीबार उद्घाटन खेलबाटै पाखा लागेको छ । प्रतियोगिताको फाइनल २१ पुसमा हुनेछ । यो प्रतियोगितालाई गण्डकी प्रदेशकै प्रतिष्ठित फुटबल प्रतियोगिता मानिन्छ ।
विगतमा खेतका गह्रामा बोका र कुखुराको भाले पुरस्कारबाट सुरु भएको यो फुटबल प्रतियोगिता पछिल्लो तीन दशकदेखि निरन्तर जारी रहेको छ ।
आयोजक त्रिवेणी युवा क्लबले यस वर्ष पुरस्कार राशिमा भारी वृद्धि गरेको हो । पोखराको सहारा युथ क्लबले आयोजना गर्ने आहा रारा गोल्डकपको पहिलो पुरस्कार १० लाख छ ।
विजेताले ८ लाख साथमा त्रिवेणी कप, मेडल र प्रमाणपत्र प्राप्त गर्नेछ । उपविजेताले ४ लाख साथमा मेडल र प्रमाणपत्र पाउने खेल संयोजक सिजन श्रेष्ठले बताए । सेमिफाइनलिस्ट २ ले १÷१ लाख पुरस्कार प्राप्त गर्ने छन् । सर्वोकृष्ट खेलाडी र सर्वाधिक गोलकर्तालाई नगद २०÷२० हजार रुपैयाँ दिइने आयोजक त्रिवेणी युवा क्लब सचिव प्रवीण वाग्लेले बताए । प्रतियोगितामा लमजुङसहित तनहुँ, कास्की, गोरखा, चितवन, नवलपरासी, काठमाडौं तथा काभ्रेबाट खेलाडीले भाग लिएका छन् ।
आयोजक क्लब पूर्व अध्यक्ष एवं गण्डकी प्रदेश सभा सदस्य भेषबहादुर पौडेलले प्रतियोगिता उद्घाटन गरेका हुन् ।
Related News
सम्बन्धित समाचार
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
hero news full width
मुख्य समाचार
जिबी राईको राहदानी रद्द भएन
लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१