पोखरा । युवा तथा खेलकुदमन्त्री डिगबहादुर लिम्बुले खेलकुदमा गरिएको लगानी बालुवामा पानी खन्याएसरह भएको टिप्पणी गरेका छन् ।
सोमबादेखि पोखरा रंगशालाको टेनिस एरिनामा १९ औं पोखरा ओपन तथा भेट्रान्स टेनिस प्रतियोगिता उद्घाटनपछि मन्त्री लिम्बुले अधुरो योजनाले प्रतिफल दिन नसक्दा लगानी बालुवामा पानी हालेसरह भइरहेको उल्लेख गरे । ‘४० जिल्लाको भ्रमण गरें । जहाँ पनि योजना अधुरो छ । अधुरो योजनाले त प्रतिफल दिन सक्दैन । अब स्थानीय सरकार, प्रदेश सरकार र संघीय सरकारले मिलेर निजी क्षेत्रको सहकार्यमा पूर्वाधार तोकिएको सम्पन्न गर्ने बजेटको व्यवस्थापन गर्दै जानुपर्छ’, मन्त्री लिम्बुले भने, ‘त्यसो हुँदा खेलकुद क्षेत्रमा प्रतिफल मिल्छ । हाम्रा खेलाडी साथीहरु समयमै प्रशिक्षण लिन पाउँछन्, प्रतियोगिताहरू सञ्चालन गर्न सक्छौं । त्यो ढंगबाट योजना र बजेट बन्नुपर्छ ।’ तीनै तहका सरकार जवाफदेही तरिकाले लागेर खेलाडीलाई प्रशिक्षण दिन खेल मैदान बन्नुपर्ने उनको भनाइ छ ।
मन्त्री लिम्बुले १० औं राष्ट्रिय खेलकुद प्रतियोगिता निर्धारित मितिमै हुने बताए । उनले राष्ट्रिय खेलकुद प्रतियोगिता २०८१ निर्धारित मितिमै हुने गरी तयारी भइरहेको बताए । केही समयअघि कर्णालीको सुर्खेतमा निर्माण हुँदै गरेको खेलकुदको भौतिक संरचनाको अध्ययन अवलोकन गरेर फर्किएको बताउँदै मन्त्री लिम्बुले आफूले सबै क्षेत्रलाई सकारात्मक भएर तोकिएको मिति २०८१ मंसिर २ देखि ९ सम्म हुने गरी तयारी गर्न निर्देशन दिएको जानकारी दिए ।
कर्णाली प्रदेशबाट उक्त प्रतियोगिताको लागि १ अर्ब ४८ करोडको प्रस्तावित भौतिक संरचना निर्माणको लागि डकुमेन्ट मन्त्रालयमा आएको बताए । सरकारले निर्माण गर्ने कुनै पनि भौतिक संरचनाको विषयमा जग्गा विवादरहित र सरकारको स्वामित्व भएको खण्डमा मात्र राज्यले खेलकुदका भौतिक संरचना बनाउने भएको उनको भनाइ थियो ।
पोखरा रंगशालामा मंगलबारदेखि १९ औं पोखरा ओपन तथा भेट्रान्स टेनिस प्रतियोगिता सुरु
सरकारले खेलकुदमा लाग्ने खेलाडी र खेल संघहरूलाई वर्गीकरण गर्ने बताए । राष्ट्रिय तथा अन्तर्राष्ट्रिय खेलाडीलाई योगदान आधारमा बिमा तथा सेवा सुविधा उपलब्ध गराउने गरी गृहकार्य गर्दै गरिरहेको उनको भनाइ थियो । उनले क्रिकेटलाई सरकारले उच्च प्राथमिकतामा राखेको बताए । क्रिकेटको उद्घाटनपछि उनले क्रिकेटले नेपाललाई विश्वसामु चिनाएकाले क्रिकेट उच्च प्राथमिकतामा राखेको उनले बताए । सरकारले क्रिकेटलाई उच्च प्राथमिकतामा राखेको उनको भनाइ छ । हरेक प्रदेशमा एक राष्ट्रिय गौरवको क्रिकेट रंगशाला निर्माणको कार्य अघि बढाएको पनि उनले बताए । पहिलो चरणमा विराटनगर, मूलपानी र चितवनलाई राष्ट्रिय गौरवको क्रिकेट रंगशाला निर्माणका लागि घोषणा गरिसकेको जनाउँदै उनले ती ठाउँका निर्माण सुरु गर्ने प्रक्रिया टुंगाएर अरु प्रदेशमा चरणबद्ध निर्माण थालिने जानकारी दिए ।
१५ पुससम्म पोखरा रंगशालाको टेनिस कोर्टमा सञ्चालन हुने प्रतियोगितामा महिलातर्फ १३ र पुरुषतर्फ २०३ गरी २१६ जना खेलाडीले भाग लिएका छन् । जसमा नेपालसहित भारत, बेलायत र बंगालादेशका खेलाडीसमेतले भाग लिएको आयोजक कास्की टेनिस संघ उपाध्यक्ष नवीन चालिसेले बताए ।
कास्की टेनिस संघका अध्यक्ष लोकबहादुर गुरुङको अध्यक्षतामा भएको उद्घाटन समारोहमा गण्डकी प्रदेशका सांसद प्रकाश बरालले टेनिसको सुनौलो इतिहासको जति प्रशंसा गरे पनि कम नहुने बताए ।
प्रतियोगितामा मेन्स तथा उमेन्सका सिंगल्स र डबल्स तथा ३५, ४५, ५५, ६५ वर्ष माथि गरी विभिन्न उमेर समूहमा १२ इभेन्टमा प्रतिस्पर्धा हुने छन् । ओपन मेन्स तथा उमेन्स सिंगल्सतर्फका विजेताले जनही ८० हजार र उपविजेताले ४० हजारका साथमा मेडल तथा प्रमाणपत्र प्राप्त गर्नेछन् । सेमिफाइनालिस्टले १० हजारसहित मेडल तथा प्रमाणपत्र प्राप्त गर्ने आयोजक कास्की टेनिसले जनाएको छ ।
अन्य इभेन्टका विजेता, उपविजेता एवं सेमिफाइनालिष्टलाई पनि नगदसहित पुरस्कृत गरिनेछ । पुरस्कार राशिमा मात्रै करिब ८ लाख खर्च हुुने जनाइएको छ । प्रतियोगिता सम्पन्न गर्न करिब १९ लाख खर्च र २१ लाख आम्दानी हुने कास्की टेनिस संघका कोषाध्यक्ष अनुज बास्तोलाले बताए । टुर्नामेन्ट डाइरेक्टर राजन पौडेलका अनुसार प्रतियोगिता नेपालका नं १ देखि ८ नं सम्मका ¥याकिङ खेलाडी मैदानमा उत्रिने छन् ।
Related News
सम्बन्धित समाचार
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
hero news full width
मुख्य समाचार
जिबी राईको राहदानी रद्द भएन
लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१