पोखरा । तुलसीमान श्रेष्ठ स्मृति समाज काठमाडौंले पोखरा निवासी प्राडा कुसुमाकर न्यौपानेलाई सम्मान गरेको छ । मंसिर २३ गते नेपाल प्रज्ञाप्रतिष्ठानको सभाकक्षमा विशेष कार्यक्रम गरी प्राडा न्यौपानेलाई तुलसीमान श्रेष्ठ स्मृति लोकसाहित्य सम्मानद्वारा पुरस्कृत गरेको हो । नेपाल प्रज्ञा प्रतिष्ठानका पूर्व सदस्य सचिव प्राडा. तुलसी भट्टराईले न्यौपानेलाई सम्मान गरेका हुन् ।
प्रतिभा परिचय नेपाल संस्कृत विश्वविद्यालयका पूर्व उपकुलपति प्राडा कुलप्रसाद कोइरालाले गराएका थिए । स्वागत मन्तव्य डा. बद्रीविशाल भट्टराईले गरेको कार्यक्रमको अध्यक्षता सीताराम अधिकारीले गरेका थिए । कार्यक्रममा सम्मानित व्यक्तित्व प्राडा न्यौपानेले यस पुरस्कारले आफूलाई लोकसंस्कृतिको जगेर्नामा जुट्न थप प्रेरणा मिलेको बताए ।
यसअघि उक्त सम्मान सत्यमोहन जोशी, प्राडा चूडामणि बन्धु, तुलसी दिवस लगायतलाई प्रदान गरिएको छ ।
पर्वत पैयुँ–६, डाँडाकाहुँमा जन्मेका न्यौपानेले विसं २०४५ सालदेखि त्रिवि अन्तर्गत पोखराका विभिन्न क्याम्पस तथा शैक्षिक संस्थामा प्राध्यापन गरे । सेवा निवृत्त उनी हाल अनुसन्धान तथा लेखन कार्यमा निरन्तर क्रियाशील छन् । उनका कास्की जिल्लामा प्रचलित लोकगीतमा वृक्ष, वनस्पति र वन (२०४९), गोपीचन लोकनाटक (२०६५), लोकरामायण (२०६५), कस्केली जातजाति र उखान (२०६९), दशावतार बालन लोकनाटक (२०६९), नेपाली लोकगीतका सन्दर्भ (२०७०), नेपाली लोकगीत (२०७०) लगायतका अनुसन्धानमूलक पुस्तक प्रकाशित छन् ।
न्यौपानेले शिक्षादिवस पदक (२०५६), प्रतिभा पुरस्कार (२०६७), सिर्जनशील काजी रोशन साहित्यिक पुरस्कार (२०६७), अनेसास रतन झा स्मृति उत्कृष्ट पुरस्कार नेपाल विद्याभूषण क (२०६८), अनेसास हरिभक्त कटुवाल स्मृति सर्वाेत्कृष्ट पुस्तक पुरस्कार, साझा लोकसाहित्य पुरस्कार, त्रिभुवन विश्वविद्यालयबाट दीर्घसेवा पदक, गीताञ्जली साहित्य रत्न पुरस्कार लगायतका पुरस्कारका साथै दर्जनौं सम्मान पनि प्राप्त गरिसकेका छन् ।
Related News
सम्बन्धित समाचार
बेलायतमा ‘प्रकट’ र ‘पारिजात’को स्मरण
७ श्रष्टालाई गण्डकी प्रज्ञा प्रतिष्ठानको सम्मान
नरहरिको उपन्यास ‘शान्ति’ लोकार्पण
‘क्यानभास’ मा धार्चेको कलासंस्कृति र भूगोल
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
hero news full width
मुख्य समाचार
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१