पोखरा । संगीतको शक्ति कतिसम्म हुन्छ भन्ने कुरा यसमा रम्नेहरु पूरा जानकार छन् । सुमधुर संगीतमा डुबुल्की मार्दा मानिसले दुख बिर्सन्छ । भोक बिर्सन्छ । पीडा र शोकमा मलम लागेको अनुभूत गर्छ । कोही त यसैमा आल्हादित हुन्छन् र जीवनको एक पाटो बनाउँछन् ।
संगीतको शक्ति यतिमात्र छैन । यसले मानिसको दैनन्दिन क्रियाकलापमा कसरी एक्कासि कायापलट ल्याउँछ भन्ने उदाहरण बागलुङकी बालगायिका सिम्रन परियार हेरे पुग्छ ।
उनको चर्चा सुरु भएको एक महिनामात्र भयो । सिम्रनले एक महिनामै ३० बढी गीत रेकर्ड गरिसकेकी छन् । साउन अन्तिम साता गायक प्रमोद खरेलको स्वरको ‘उसलाई पाउन–२’ को फिमेल भर्सन उनको पहिलो रेकर्ड गीत हो । आखिर यो गीत युट््वको संगीतर्फ टे«न्डिङ १ उक्लिन सफल भयो । र, १८ वर्षीया यी गायिकाको सांगीतिक बजार यसरी तात्यो कि गीत रेकर्ड भ्याइनभ्याइ भयो । सामाजिक सन्जालमा उनको खोजी व्यापक भयो ।
बागलुङ नगरपालिका ६, तीनतलेकी सिम्रन अहिले भने गीत रेकर्ड गर्न बागलुङ–काठमाडौं गरिरहेकी छन् । सिम्रनलाई पनि यति चाँडै चम्किएला भन्ने लागेकै थिएन रे । आफूसँगै आमालाई पनि जहाज चढाएकी छन् । र, आफ्नो सांगीतिक भविष्यको उज्यालो रेखा उँधिरहेकी छन् । उनको तुलना अहिलेका स्थापित चर्चित गायिका रचना रिमाल, समीक्षा अधिकारी, एलिना चौहानसँग हुन थालेको छ ।
बागलुङकी १८ वर्षीया गायिका सिम्रनले एक महिनामै ३० भन्दा बढी गीत रेकर्ड गरिसकेकी छन्
‘पहिले स्कुल जाँदा–आउँदा खासै कसैलाई मतलब हुन्नथ्यो । अहिले देख्नबित्तकै सबैजनाले ‘सिम्रन’ भनी बोलाउनुहुन्छ । टिकटक बनाम् भन्नुहुन्छ,’ सिम्रन भन्छिन्, ‘एक दिन संगीतमा लाग्छु भन्ने त थियो तर अहिले नै यस्तो चेञ्ज होला भन्ने सोेचेकी थिइनँ ।’ सिम्रन यति चाँडै चम्किनुको श्रेय मेचीकाली खबरका सञ्चालक चर्चित सञ्चारकर्मी भोजराज थापा, गीतकार÷संगीतकार सुनिल बिसीलाई जान्छ । उनी पनि यो योगदान भुल्न सक्दिनन् ।
गीतकार तथा संगीतकार सुनिल बिसीको युट्युव च्यानलबाट तीन साताअघि सार्वजनिक उनले गाएको ‘उसलाई पाउन–२’ गीतले युट्युबमा ४७ लाख भ्यूज पाइसकेको छ । सिम्रनले गाएका अन्य गीतहरुमध्ये अर्जुन सापकोटाको लोकगीत ‘पानी परेको’ ले ३६ लाख भ्युज पाएको छ । उनी यो गीतको भिडियोमा मोडल छन् । साथै ऋषि खड्का युट्युब च्यानलबाट सार्वजनिक ‘ए साइला परेलीभित्र’ बोलको लोक–पप फ्युजनको गीत पनि चर्चामा छ । उनी यो गीतको भिडियोमा गायक ऋषिसहित मोडल आम्दा आलेमगरसँग सुन्दर नृत्यमा देखिन्छिन् । शुक्रबारसम्म यो गीत २१ लाखले हेरिसकेका छन् । यस्तै, सन्तोष सुनारको गत वर्ष सार्वजनिक ‘छमक छमक’ गीत अहिले ‘सिम्रन भर्सन’ मा आउने भएको छ । सन्तोषको रचना, संगीत र स्वरको उक्त गीत युट््युबमा सर्वाधिक रुचाइएको गीतमध्ये पर्छ । यो गीत ३० मिलियनले हेरिसकेका छन् । सन्तोषले अहिले केही शब्द फेरेर सिम्रनको स्वरमा रेकर्ड गराएका हुन् । यो गीतबाट सिम्रन अझ उत्साहित छन् । सिम्रनले आफू कक्षा ४÷५ कक्षादेखि नै गीत गुनगुनाउने गरेको बताइन् । भन्छिन्, ‘बाबाले पनि गाइरहने । मलाई पनि इन्टे«स्ट लाग्यो । खाली हुँदा गाइरन थालें ।’ अहिले त उनी व्यावसायिक गायिका नै बन्ने तरखरमा छन् । सुरुमा काठमाडौं ६ दिने बसाइँमा १४ गीत रेकर्ड गरेर फर्केकी उनले दोस्रो पल्ट फेरि ९ गीत रेकर्ड गरेर गत साता फर्केकी थिइन् । समय व्यवस्थापनमै कठिन छ ।
गत १९ साउनमा भोजराज थापा सिम्रनको अन्तर्वार्ताका लागि बागलुङ पुगेका थिए । स्कुल डे«समै सिम्रनले गाएको गीतको क्लीप भाइरल बन्यो । पछि बिसीले ‘उसलाई पाउन–२’ गीतको फिमेल भर्सन गाउन सिम्रनलाई काठमाडौं बोलाएका हुन् । भोजराजले सिम्रनलाई काठमाडौं लगेर रेकर्डको चाँजोपाँजो मिलाएका थिए ।
बागलुङ सदरमुकामस्थित विद्या मन्दिर मावि कक्षा १२ मा विज्ञान पढिरहेकी सिम्रन अब काठमाडौंमै गएर संगीत सिकेर अघि बढ्ने योजना रहेको बताउँछिन् । उनी पढाइमा पनि तीक्ष्ण छिन् । युनिभर्सल सवलाइम एकेडेमीबाट २०७८ को एसइईमा ‘ए’ प्लस ल्याएर उत्तीर्ण गरेकी थिइन् ।
आमा मनीषा परियार पनि छोरीको गायिका बन्ने लक्ष्य पूरा भएकोमा खुसी छन् । सिम्रनका ७ वर्षीय भाइ सौगात पनि छन् । बाबु सोम भने ३ महिनाअघि रोजगारीका लागि रोमानिया उडेका थिए ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
एचआइभी संक्रमणले पढाइबाट वञ्चित
हातपात अभियोगमा पक्राउ
तमु धिंको ४० औं स्थापना दिवसमा गण्डकीका मन्त्रीहरुको सम्मान
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१