पोखरा । एसिया कप २०२३ अन्तर्गत नेपाल–भारतबीचको खेलमा भारतले शानदार जित हासिल गरेको छ । साथै १० विकेटले पराजित गर्दै नेपाललाई एसिया कपको होडबाट समेत पन्छायो ।
वर्षाले प्रभावित खेत डिएलएस मेथडअनुसार भारतलाई २३ ओभरमा १४५ रनको नयाँ लक्ष्य दिइएको थियो । जुन लक्ष्य भारतले २० दशमलब ओभरमा विना विकेटको क्षतिमा पार ग¥यो ।
भारतको जितमा रोहित शर्मा र शुभमन गिलले अर्धशतक प्रहार गरे । रोहितले नटआउट ७४ रन र गिलले नटआउट ६७ रन जोडे ।
त्यसअघि टस जितेको भारतले बलिङ रोजेपछि नेपाल ४८ दशमलब २ ओभरमा २३० रनमा अलआउट भएको थियो । नेपालका लागि ओपनिङ ब्याट्सम्यान आसिफ शेखले अर्धशतक प्रहार गरेर आउट भए । उनी ९७ बलमा ८ चौकाको मद्दतमा ५८ रन बनाएर आउट भएका थिए ।
अर्का ओपनर कुशल भुर्तेल ३८ रन बनाएर आउट भए । शार्दूल ठाकुरको बलमा दशौं ओभरको पाँचौ बलमा आउट हुनुअघि उनले २५ बलमा ३ चौका र २ छक्का हिर्काए । उनले आसिफ शेखसँग पहिलो विकेटका लागि ९ दशमलब ५ ओभरमा ६५ रनको साझेदारी गर्दै नेपाललाई राम्रो सुरुवात दिलाएका थिए।
भुर्तेलविरूद्ध पहिलो ओभरमा श्रेयसले र चौथो ओभरमा इशान किसनले क्याच छाडेका थिए। यस्तै आसिफको क्याच दोस्रो ओभरमा विराट कोहलीले छाडेका थिए।
भुर्तेल आउट भएपछि भने नेपालले लगातार विकेट गुमायो। कप्तान रोहित पौडेल रवीन्द्र जडेजाको बलमा ५ रनमा आउट भए । कुशल मल्ल चौथो विकेटको रुपमा २ रनमै आउट भए । भीम सार्की ७ रनमा भारतका जडेजाको बलमा १६ ओभरमा बोल्ड भए ।
छैटौं विकेटको रुपमा गुल्सन झा ३५ बलमा ३ चौकाको मद्दतमा २३ रन बनाएर आउट भए ।
दीपेन्द्रसिंह ऐरी र सोमपाल कामीबीच सातौं विकेटका लागि ५० रनको साझेदारी गरे । दीपेन्द्रले हार्दिक पाण्ड्याको एलबिडब्लूको धरापमा पर्नुअघि २५ बलमा ३ चौकाको मद्दतमा २९ रनको योगदान गरेका थिए ।
आठौं विकेटको रूपमा आउट हुनुअघि सोमपाल कामीले उत्कृष्ट ब्याटिङ गरे । मोहमद सामीको बलमा ४७ दशमलब २ ओभरमा आउट हुनुअघि उनले ४८ रन जोडे । सोमपालले ५६ बलमा १ चौका र २ छक्का हिर्काए ।
सन्दीप लामिछाने ९ रनमा रनआउट भएका थिए भने अन्तिम विकेटको रुपमा ललित राजवंशी शून्यमा आउट भए । भारतका जडेजा र मोहमद सिराजले समान ३ विकेट लिए ।
एसिया कपको पहिलो खेलमा नेपाल यसअघि पाकिस्तानसँग पराजित भएको थियो ।
Related News
सम्बन्धित समाचार
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
hero news full width
मुख्य समाचार
जिबी राईको राहदानी रद्द भएन
लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१