पोखरा, ९ असार ।
छोरी: ‘जहिले पनि खेलेकै देख’नि,
जसै छैन होमवर्क गरे’नि,
खेल्न मन लाइरा’छ,
किताबमात्रै तेर्साउने बाबाले मोबाइल याद आइरा’छ ।’
बाबु: नपढेर मन धेरै रोको छ,
ठूलो मान्छे बनाउने धोको छ,
सपना आइरा’छ,
मेरी छोरी डाक्टर बनेको देख्न मन लाइरा’छ ।
बाबु–छोरीको भूमिकामा विद्यार्थीले यसरी लाेकदोहोरी गाउँदा अभिभावकले परर्र ताली पिट्थे । दोहोरी रोचक बन्दै जाँदा अर्को तुक्का के आउँछ भनी खुबै रुचीपूर्वक सुन्थे पनि ।
पोखराको लामाचौरस्थित गण्डकी बोर्डिङ स्कुलमा शनिबार यस्तै दृश्य देखियो ।
आधारभूत तहअन्तर्गत अभिभावक दिवस समारोहमा विद्यार्थीले विविध सांस्कृतिक कार्यक्रममार्फत आफ्नो कला प्रस्तुत गरेका हुन् । त्यस्तैमा कक्षा ६ (बी) का छात्र स्पन्दन गिरी बाबुको भूमिकामा र कक्षा ४ (बि) की छात्रा डेमोक्रिसा परियार छोरीको भूमिकामा दोहोरीमा जमेका हुन् । करिब २० मिनेटसम्म चलेको दोहोरी रमाइलो मात्र थिएन, दोहोरीका हरेक शब्दहरु विद्यार्थीको पढाइलाई प्रेरित गर्नेखालका थिए ।
त्यसबेला ‘उडेर जून छुन्छु भन्ने…’ गीतका गायक रामभक्त जोजिजूले हार्मोनियम, अंग्रेजी शिक्षक कृष्णश्याम शर्माले सारङ्गी बजाएर संगीतमा साथ दिएका थिए ।
विद्यालय प्रिन्सिपल वीरेन्द्र खड्काले विद्यार्थीको पढाइका अलावा अतिरिक्त क्रियाकलापमा पनि विद्यालयले जोड दिएको बताए । उनले शिक्षामा गुणस्तर कायम गर्न शिक्षक, विद्यार्थी र अभिभावकको त्रिपक्षीय सम्बन्ध आवश्यक रहेको बताए ।
राष्ट्रगानका रचयिता प्रदीपकुमार राई (ब्याकुल माइला) ले कविता वाचन गर्दै विद्यार्थी अनुशासित भएर पढाइमा केन्द्रित हुन सल्लाह दिए ।
शिक्षक अभिभावक संघका सदस्य एवं पत्रकार महासंघ कास्की अध्यक्ष विमला भण्डारी, शिक्षक अभिभावक संघकै अर्का सदस्य जीवनप्रसाद भण्डारीले विरासत कायम गर्दै साँच्चिकै राष्ट्रिय स्कुलको नमुना प्रस्तुत गर्न सुझाव दिए ।
समारोहमा विद्यार्थीले कौरा, तामाङ्सेलो, नेवारी नृत्य, धिमाल नृत्य प्रस्तुत गरेका थिए । यस्तै कविता वाचन, नृत्य, स्काउटको प्रदर्शन तथा कराते काताको डेमो प्रस्तुत गरिएको थियो । लोकदोहोरी गायिका तथा विद्यालय अभिभावक सीता परियारको गायनमा दर्शकले ताली पिटेर साथ दिएका थिए । कार्यक्रम सञ्चालन अतिरिक्त क्रियाकलाप प्रमुख मानबहादुर थापा तथा विद्यार्थीले संयुक्तरुपमा गरेका थिए ।
कक्षा ४ देखि ८ सम्मका विद्यार्थी र तिनका अभिभावक उपस्थित रहेको सो समारोह ३ घण्टासम्म चलेको थियो ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
एचआइभी संक्रमणले पढाइबाट वञ्चित
हातपात अभियोगमा पक्राउ
तमु धिंको ४० औं स्थापना दिवसमा गण्डकीका मन्त्रीहरुको सम्मान
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१