पोखरा । गण्डकी प्रदेश सभामा कांग्रेसका २७ सदस्य छन् । तीमध्ये दोहोरिने एकमात्र सदस्य हुन् कास्कीका बिन्दुकुमार थापा । मंसिर ४ मा भएको चुनावमा उनी कास्की २ को २ बाट निर्वाचित भए ।
कृष्णचन्द्र नेपाली पोखरेल नेतृत्वको सरकारमा कानुन, सञ्चार तथा प्रदेश सभा मामिला मन्त्री रहेका उनलाई हराउन अर्का एक मन्त्री नै उद्यछ थिए । वडा वडामा कार्यकर्ता परिचालित थिए हराउनकै लागि भनेर । त्यस्तो अवस्थामा पनि उनी विजयी भए ।
विजयी भइसकेपछि उनी ढुक्क थिए, सुरेन्द्रराज पाण्डे मुख्यमन्त्री हुँदा अर्थ या भौतिक पूर्वाधार मन्त्री त पक्का बन्छु भन्नेमा । त्यसो त दलको नेताका लागि पनि उनले कसरत नगरेका होइनन् । तर सुरेन्द्रको राजनीतिक उचाइका कारण बिन्दु पछि हटे । यसैबीचमा राजनीतिक दुर्घटना भयो । संघमा माओवादीले एमालेसँग मिलेर सरकार बनाएसँगै प्रदेशमा पनि कांग्रेसको हातबाट सत्ता फुत्क्यो ।
एमालेका खगराज अधिकारी मुख्यमन्त्री बने । मुख्यमन्त्री बन्न दौरा सुरुवाल सुटकेसमा बोकेर आएका सुरेन्द्र प्रतिपक्षको बेन्चमा बस्न वाध्य भए । तर सुरेन्द्र ढुक्क थिए, आफू छिटै मुख्यमन्त्री बन्नेमा । भनेजस्तै भयो, केन्द्रमा राजनीतिक समीकरण फेरिएसँगै प्रदेशमा पनि १ सय दिनमै खगराज सरकार ढल्यो ।
अनि कसरत सुरु भयोे सरकार निर्माणको । गण्डकीमा त माओवादीको नेतृत्वमा सरकार बन्ने रे भन्ने गाइँगुइँ चल्यो । गाइँगुइँ मात्र होइन पक्काजस्तै भो भन्ठानेर गण्डकीका सबै कांग्रेस साँसद काठमाडौं हुइँकिए । तर बीच बाटोमा पुग्दा नपुग्दै कांग्रेसकै नेतृत्वमा सरकार बन्ने पक्का भो र भन्ने खबर आयो । तै पनि सांसदहरु काठमाडौं पुगे ।
भोलिपल्ट बिहान सभापति शेरबहादुर देउवालाई भेटेर आफ्ना कुरा राखेर उनीहरु फर्किए ।
कांग्रेस नेतृत्वमा सरकार बन्ने पक्का भएपछि अरु खुसी भएर फर्कंदा बिन्दुकुमार थापा भने खुसी हुन सकेनन् । कारण उनी मन्त्रीको लिस्टमा पर्ने सम्भावना देखिएन । एकपटक मन्त्री भएको व्यक्तिलाई अहिले मन्त्री नदिने बरु नयाँलाई बनाउने भन्ने नियम बनाइएछ । उपसभापति पूर्णबहादुर खड्काले बिन्दुलाई त्यो खबर सुनाए ।
आफूहरु मन्त्री बन्न पाइन्छ कि भनेर कास्की र अरु जिल्लाका सांसदहरुले बिन्दुको मन्त्री हुने बाटो छेकेका रहेछन् । त्यसपछि देउवा निवास पुगेको बिन्दुले त्यहाँबाट पनि ढाडस पाउन सकेनन् । अनि फर्के पोखरा । मन्त्री पक्का भनेर आश्वासन दिने दलका नेता सुरेन्द्र बिन्दुसँग पहिलाजस्तो खुलेनन् । केन्द्रको दबाब भन्दै सरकारमा सामेल हुनेहरुको सूची हातमा लिएर तयारीमा जुुटिरहे ।
जिल्ला, भूगोल, समूह, लैंगिक, जातीय सन्तुलन मिलाउने ध्याउन्नमा लागेको भनिएका सुरेन्द्रलाई खै कताको दबाब आयो, तमुवानमा गुरुङलाई नै मन्त्री बनाउन सकेनन् । वैशाख १५ मा सपथ लिने दिन स्याङ्जाकी सरस्वती अर्याल र माओवादीबाट गोरखाकी शुशीला सिंखडालाई लिएर सरकार बनाए ।
कांग्रेस गोरखा सभापति नन्दप्रसाद न्यौपानेलाई प्रमुख सचेतक बनाएका उनले लमजुङका टकराज गुरुङलाई मन्त्री दिन सकेनन् । भित्र तयारी कस्तो थियो कुन्नि बाहिर वृत्तमा हल्ला भने टकराज अर्थमन्त्री हुनेभए भन्ने चर्चा निकै थियो । पछि नवलपुरका महेन्द्रध्वज जिसीले अर्थमन्त्रालय पाउने भए भन्ने हल्ला चलिरहँदा तनहुँका जीतप्रकाश आले त्यो जिम्मेवारी पाए । जिसीले कृषि मन्त्रालयको जिम्मा पाए । यसमा जिसी मात्र होइन संस्थापन इतर समूह नै असन्तुष्ट छ । जुन विषयमा केही दिन पहिला मुख्यमन्त्री निवासमा बसेको संसदीय दलको बैठकमा मज्जैले उठेको थियो ।
मुख्यमन्त्री पाण्डेले मन्त्री दिन नसकेलाई फकाउने ठाउँ अझै बाँकी छ । त्यो हो, संसदीय समिति । ४ समिति रहेकामा सार्वजनिक लेखा समिति प्रतिपक्षीलाई दिने चलन छ । बाँकी ३ मध्ये १ माओवादीलाई दिँदा कांग्रेसका भागमा २ समिति पर्छन् । यी दुई समितिमा पाण्डेले २ जनालाई व्यवस्थापन गर्न सक्छन् ।
समिति विस्तार गर्न आदटाल भइरहेका बेला मुख्यमन्त्री समेत रहेका दलका नेता पाण्डेले बिन्दुकुमार थापालाई दलको उपनेतामा मनोनयन शुक्रबार गरेका छन् । दलको सचिव, कोषाध्यक्ष, प्रवक्ता भने उनले अझै तोकेका छैनन् ।
थापालाई नेपाली कांग्रेस प्रदेश सभा संसदीय दलको विधान २०७४ को धारा ६ को उपधारा ६ बमोजिम दलको उपनेतामा मनोनयन गरिएको हो ।
संसदीय दलको नेताको चुनावका बेला सुरेन्द्रलाई सहयोग गरेका रोमी गौचन थकालीको पनि उनले चित्त बुझाउनुपर्ने छ । गौचनसँग ४ मत छन् । संसदीय दलमा प्रतिस्पर्धी भोजराज अर्याललाई जाने ४ मत अन्तिम समयमा आएर सुरेन्द्रका पक्षमा परेको थियो ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१