पोखरा । गण्डकी प्रदेशमा गएको ३ महिनामा बलात्कार तथा यौन दुव्यर्वहारबाट २६ जना बालिका पीडित भएका छन् । तीमध्ये १६ जना बलात्कारमा पर्दा १० बालिका र १ बालक यौन दुव्यर्वहारमा परेका छन् ।
महिला हिंसा तथा दुव्यर्वहारका घटना पनि बढेका छन् । ७७ महिलामध्ये ६ जना बलात्कारबाट, १ जना यौन दुव्यर्वहार तथा ७० जना घरेलु हिंसाबाट शिकार भएका हुन् । अनौपचारिक क्षेत्र सेवा केन्द्र (इन्सेक) द्वारा गण्डकी प्रदेशका ११ जिल्लामा गएको जनवरीदेखि मार्चसम्म अभिलेखित विवरणअनुसार सो तथ्यांक पाइएको हो ।
महिलाविरूद्धको हिंसामा घरेलु तथा पारिवारिक हिंसा प्रमुख रहेको इन्सेक गण्डकी प्रमुख शिव खकुरेलले बताए । उनका अनुसार घरपरिवारसँगै नजिकका आफन्त तथा चिनजानका व्यक्तिबाट महिला तथा बालबालिकाको हत्या, बलात्कार, बलात्कार प्रयास, शिक्षकबाट यौन दुव्र्यवहार जस्ता घटना भएको अभिलेखमा उल्लेख छ । गएको त्रैमासमा जातीय विभेद, आर्थिक, सामाजिक तथा सांस्कृतिक अधिकारबाट नागरिक बढी वञ्चित भएका छन् ।
प्रदेशभर ३ महिनामा मानवअधिकार उल्लंघन तथा ज्यादतिका घटनामा अन्य पक्षबाट १४ पुरुष र १ सय ११ महिला गरी कुल १ सय २५ जना पीडित भए । ५ महिला र २ पुरुष गरी ७ जनाको हत्या भयो ।
जातीय विभेदका घटनाबाट १ महिला र ३ पुरुष गरी ४ जना पीडित भए । अन्य पक्षबाट कुटपिटका ३ घटनामा २ पुरुष घाइते भए । अन्य पक्षबाट २ पुरुष अमानवीय व्यवहारबाट पीडित भए ।
विद्यालयमा दिइएको शारीरिक दण्ड सजायबाट १ बालिका र १ बालकपीडित भए । २ बालकहरू जंगलमा खेल्न जादा बेवारिसे बम भेट्टाएर खेलाउदा बिस्फोट भई घाइते भए ।
गण्डकी प्रदेशमा जातीय विभेदका घटना विगतका तुलनामा बढेको इन्सेकको तथ्यांक छ । विकसित मानिने कास्कीम समेत सबैभन्दा धेरै जातीय विभेदको घटना सरोकारवाला निकायका व्यक्तिबाटै भएकोमा चिन्ता व्यक्त गरिएको छ ।
प्रदेशका कास्की र तनहुँमा महिला तथा बालबालिकाविरूद्ध हुने यौनजन्य तथा घरेलु हिंसाका घटना बढी छन् । अन्य जिल्लाको तुलनामा हिमालपारिका जिल्ला मुस्ताङ र मनाङमा भने मानवअधिकार उल्लंघन तथा ज्यादतिका घटनाको अभिलेख छैन ।
इन्सेकले प्रत्येक ३ महिनामा मानवअधिकारको अवस्था विश्लेषण गर्दै मानवअधिकार स्थिति सूचक प्रकाशन गर्दै आएको छ ।
Related News
सम्बन्धित समाचार
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कास्कीका सहकारी पीडित एउटै मोर्चामा, बन्यो संयुक्त संघर्ष समिति
नुहाउन हिंडेकी युवती हत्या अभियोगमा पक्राउ
सरकारी कागजात चोरी गर्ने २ जना पक्राउ
हाजिरी जमानीमा थुनामुक्त भए माओवादी उपाध्यक्ष कृष्णबहादुर महरा
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१