पोखरा । कोही बुख्याचा भेषमा थिए त कोही राक्षस । विभिन्न जनावरदेखि, भूतप्रेतका चित्रजस्ता मुखुण्डो, कालोमोसो, विभिन्न रंगरोगन लगाएर रंगीविरंगी झाँकी । पोखरा रंगशालामा मंगलबार बिहान ११ बजे यही भेष बढी भेटिन्थ्यो ।
गुरुङ पहिरनमा सजिएका महिला तथा पुरुषको चहलपहल उस्तै थियो । सबैले आ–आफ्नै समाजबाट प्रतिनिधित्व गरेका थिए ।
विभिन्न गुरुङ समाजले आफूलाई प्रतिनिधित्व गराउने संस्कृति र संस्कारसँग झल्किने झाँकीसहित हिमाली जनजीवन, गुरुङको जनजीवनको झल्को त्यहाँ देखिन्थ्यो । उनीहरुले चर्खादेखि खर्कसम्मका झल्को दिंदै थिए । जातीय भेषभूषामा, बाजागाजा र झाँकीसहित ट्होटें पर्व मनाउन उनीहरु यसरी आइपुगेका हुन् । आफ्नो मौलिक पर्व ‘ट्होटें’ मनाउन उनीहरुको ठूलो जमघटले माहोल नै फरक देखिन्थ्यो ।
गुरुङ समुदायले हरेक वर्ष साउन र चैत अन्तिम मंगलबार यो पर्व मनाउँछन्
केही समयमा त्यो समूह रंगशालाबाट छुट्यो । विभिन्न समाजबाट ट्होटें मनाउन सजिएका उनीहरु पृथ्वीचोक, नयाँबजारहुँदै तमु धिं प्रांगण पुगेपछि औपचारिक कार्यक्रममा परिणत भयो । कार्यक्रममा पोखरा महानगरपालिकाका प्रमुख धनराज आचार्यले ट्होटें पर्वले सकारात्मक ऊर्जा पैदा हुने जनविश्वास रहेको बताए । गुरुङ जातिको, भाषा, संस्कृति, रीतिरिवाज, चाडपर्व, भेषभूषाले पोखरा समृद्ध बनाउन ठूलो योगदान पुगेको उनको भनाइ थियो । उनले ट्होटेंसहित ल्होसारमा महानगरले साथ दिने पनि बताए । ‘विगतमा पनि तमु धिंसँग केही सहकार्य र सहयोग गरेका थियौं,’ महानगर प्रमुख आचार्यले भने, ‘आगामी दिनमा रातो किताबमा नै सहयोग गर्ने विषय उल्लेख गर्ने प्रतिवद्धता जाहेर गर्छु ।’
हरेक वर्षको साउन र चैत अन्तिम मंगलबार मनाइने यो पर्व यो वर्ष पनि विविध कार्यक्रम गरी मनाइएको तमु धिं नेपालका निवर्तमान अध्यक्ष कर्मा गुरुङ जानकारी दिइन् ।
विगतमा आफ्नो ट्हो (राज्य) सुरक्षाका लागि मनाउने पर्व परिमार्जित स्वरुपमा पोखरामा मनाइएको महासचिव जूनाकुमारी गुरुङले बताइन् । ‘गण्डकी लगायत विभिन्न प्रदेशबाट पोखरामा बस्दै आएका गुरुङ जातिको आज महान चाड हो,’ उनले भनिन्, ‘वर्षको साउन र चैतको अन्तिम मंगलबार गरी २ पटक ट्होटें मनाउँदै आएका छौ । यो परिवर्तित समायानुसार मनाएको छांै । यसले हाम्रो आफ्ना संस्कृति जर्गेनामा महत्वपूर्ण सहयोग हुने हाम्रो विश्वास छ ।’
पहिले गाउँबस्ती, राज्यसुरक्षाका लागि खेल्दै आएको ट्होटें अहिले गुरुङहरुको पहिचान स्थापितका गर्नका लागि ट्होटें खेल्ने गरेको तमु धिं नेपाल अध्यक्ष हुमबहादुर गुरुङले बताए । उनका अनुसार तमु धिंले २०५२ सालदेखि सामूहिकरुमा ट्होटें मनाउँदै आएको छ ।
तमु (गुरुङ) भाषामा ‘ट्हो’ को अर्थ राज्य वा गाउँबस्ती हुन्छ भने ‘टें’ को अर्थ राज्यबाट बैरी वा शत्रु धपाउने भन्ने हुने कार्यक्रम संयोजक कृष्णकुमार गुरुङले बताए । उनका अनुसार यो पर्व वर्षमा उभौली र उधौली गरी २ पटक मनाइने प्रचलन छ । हरेक वर्षको साउन र चैतको अन्तिम मंगलबार यो पर्व मनाइन्छ । कार्यक्रममा पोखरा १७ का टेक गुरुङ, नेवाः खल कास्की अध्यक्ष अशोक पालिखे लगायतले शुभकामना दिएका थिए ।
चिउली पाचे प्रथम
ट्होटें अवसरमा आयोजित झाँकी ¥याली प्रतियोगितामा चिउली पाचे तमु समाज प्रथम भएको छ । यस्तै, डडुवा दुर्छा तमु समाज दोस्रो भयो । चिउली पाचेले ३० हजार साथमा ट्रफी प्राप्त गरेको तमु धिं वरिष्ठ उपाध्यक्ष श्रीप्रसाद गुरुङले जानकारी दिए । यस्तै, द्वितीय भएको डडुवा दुर्छाले २० हजारसहित ट्रफी हात पा¥यो । झाँकी ¥यालीमा फूलबारी तमु समाज तेस्रो हुँदै १५ हजार र ट्रफी प्राप्त ग¥यो ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
एचआइभी संक्रमणले पढाइबाट वञ्चित
हातपात अभियोगमा पक्राउ
तमु धिंको ४० औं स्थापना दिवसमा गण्डकीका मन्त्रीहरुको सम्मान
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१