पोखरा । पोखरामा विश्व उपभोक्ता अधिकार दिवस मनाइएको छ । पर्यटन, उद्योग, वाणिज्य तथा उपभोक्ता हित संरक्षण निर्देशनालय गण्डकीको आयोजना र उपभोक्ता मञ्च गण्डकीको संयोजन र समन्वयमा कार्यक्रम भएको हो ।
कार्यक्रममा उद्योग, पर्यटन, वन तथा वातावरण मन्त्रालयका सचिव बद्रीराज ढुंगानाले व्यवसायी नाफामुखी भइदिंदा उपभोक्ता ठगीमा गरेकोे बताए । आफ्नो अधिकार सुरक्षित गर्न उपभोक्ता जागरुक हुनुपर्ने उनको भनाइ थियो । उनले सेवा दिने निकाय, उद्यमी, व्यवसायीलगायत सबै सरोकारवालाले उपभोक्ताको अधिकारको संरक्षण र सम्मान हुने गरी काम गर्न स्मरण गराए ।
पोखरा उद्योग वाणिज्य संघका अध्यक्ष पवन प्रजापतीले उपभोक्तालाई सचेत गराउन आवश्यक रहेको बताए । उपभोक्ता जागरुक बनाउन पोखरा उद्योग वाणिज्य सहकार्य गर्न तयार रहेको उनको भनाइ थियो ।
कार्यक्रममा खाद्य प्रविधि तथा गुण नियन्त्रण कार्यालय पोखराका कार्यालय प्रमुख शिवजी बराल, उपभोक्ता मञ्च गण्डकीका अध्यक्ष कपिलनाथ कोइराला र उपभोक्ता मञ्च कास्कीका अध्यक्ष राजेन्द्र लिगलले कार्यपत्र प्रस्तुत गरे ।
पर्यटन, उद्योग, वाणिज्य तथा उपभोक्ता हित संरक्षण निर्देशनालय गण्डकी निर्देशक प्रवीण ढकालले उपभोक्ता हितका विषयमा चेतनामूलक कार्यक्रमहरू गर्दै जाने बताए । १५ मार्च १९६२ का दिन अमेरिकी राष्ट्रपति जोन एफ केनेडीले प्रस्तुत गरेको सुरक्षा, सूचना, छनोट र सुनुवाइलाई उपभोक्ताका ४ अधिकारका रूपमा घोषणा गरिएको सम्झनामा विश्वभर मार्च १५ मा यो दिवस मनाउने गरिएको उनले जानकारी दिए ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१