पोखरा। गण्डकी प्रदेशस्तरीय दोस्रो खुला आर्चरी प्रतियोगिता पोखरामा शुक्रबारदेखि सुरु भएको छ ।
पोखरा रंगशालाको आर्चरी खेल मैदानमा २ दिनसम्म संचालन चल्ने प्रतियोगिताको गण्डकी प्रदेशका प्रदेश प्रमुख पृथ्वीमान गुरुङले उद्घाटन गरे । उनले हरेक कुरा सफल हुन शारीरिक रूपमा स्वस्थ हुन आवश्यक भएको बताए ।
कास्की जिल्ला आर्चरी संघ अध्यक्ष योगेन्द्र शेरचनको अध्यक्षतामा भएको उद्घाटन सत्रमा गण्डकी प्रदेशका सांसद प्रकाश बराल, प्रदेश खेलकुद परिषद गण्डकी उपाध्यक्ष धोजकुमार गुरूङ, परिषदका कावा सदस्यसचिव घनश्याम पौडेल, संघका केन्द्रीय अध्यक्ष दीपकराज गुरुङ लगायतले बोलेका थिए । कार्यक्रममा खेलाडीहरुको साथमा गण्डकी प्रदेशका सांसदहरु प्रकाश बराल र विकल शेरचनलाई समेत सम्मान गरिएको थियो ।
प्रदेश खेलकुद परिषद गण्डकीको आयोजना, गण्डकी प्रदेश आर्चरी सघको संयोजनमा, नेपाल आर्चरी सघको समन्वयमा र अन्नपूर्ण आर्चरी क्लबको ब्यबस्थापन संचालन हुने भएको उक्त प्रतियोगिताको सहआयोजक कास्की जिल्ला आर्चरी संघ हो ।
प्रतियोगितामा गण्डकी प्रदेशका मुस्ताड, म्याग्दी, पर्वत र कास्कीबाट ८९ जना खेलाडीहरुको सहभागिता भएकोे कास्की जिल्ला आर्चरी संघका अध्यक्ष योगेन्द्र शेरचनले बताए । रिकर्भ ओपन पुरुष र महिला र स्टाण्डर्ट पुरुषतर्फको सिंगल खुला प्रतिस्पर्धा भएको अध्यक्ष शेरचनले जनाए । रिकर्भ ओपन ७० र स्टाण्डर्ट ३० मी. को दुरीमा हुनेछ ।
भेट्रान्स पुरुषतर्फ प्रथम हुनेलाई ८ हजार, दोस्रो हुनेलाई ५ हजार र तेस्रो हुनेलाई ३ हजारको साथमा मेडल र प्रमाणपत्र प्रदान गरिने संघले जनाएको छ । शुक्रबार भेट्रान्सतर्फ म्याग्दीका जयप्रकाश छन्त्याल प्रथम भएका छन् । प्रतियोगितामा कास्कीका हिरामान लालचन दोश्रो र म्याग्दीकै भीमेन्द्रमान पुन तेश्रो भएका छन् ।
रिकर्भ खुला पुरुषमा कास्कीका सुमन गुरुङले ५ सय ९५ अंक बटुल्दै अग्रस्थानमा छन् । कास्कीकै अशिम शेरचनले ५ सय ८८ अंक ल्याउँदै दोश्रो स्थानमा रहे भने कास्कीकै दुर्गा घर्तिमगर ५ सय ५७ अंकसहित तेश्रो छन् ।
पुरुष स्टाण्डर्टतर्फ बागलुङका हिकमत पुरी अग्रस्थानमा रहेका छन् भने कास्कीका ३ सय २७ अंकसहित रविन थापा र कास्कीकै प्रदीप पुर्जा ३ सय २७ अंक सहित दोश्रो स्थानमा छन्। रिकर्भ खुला महिलामा पहिलो दिनको खेलमा कास्कीका खेलाडीहरु अग्रस्थानमा रहेका छन् ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१