नयाँ राष्ट्रपतिको चुनाव आगामी फागुन २५ गतेका दिन काठमाडौंमा हुने भएको छ । निर्वाचन आयोगले यो मितिको घोषणा गरेलगत्तै नयाँ राष्ट्रपतिको चर्चा अरु चुलिएको छ । राजनीतिक पार्टीहरु एकातिर आफ्नो पक्षकालाई राष्ट्रपति बनाउने प्रयासमा छन् भने गैर राजनीतिक पक्षहरु राष्ट्रपति सकेसम्म संविधान बुझेको तटस्थ व्यक्ति हुनुपर्नेमा जोड दिँदै छन् । देशमा पहिलो राष्ट्रपति डा. रामवरण यादव भएका थिए भने दोस्रो राष्ट्रपतिका रुपमा विद्यादेवी भण्डारी आसीन छन् । तिनीहरुका काम कुराका सम्बन्धमा पनि समीक्षा हुन थालेका छन् । नेपालको संविधानले राष्ट्रपति नेपालको राष्ट्राध्यक्ष हुने कुरा उल्लेख छ । नेपालको राष्ट्रिय एकताको प्रवद्र्धन गर्ने तथा संविधानको पालना र संरक्षण गर्ने राष्ट्रपतिको प्रमुख कार्य हुनेछ भनी तोकिएको छ । त्यसको साथै राष्ट्रपतिको काम कर्तव्यमा राष्ट्रपतिबाट सम्पादन गरिने कार्य मन्त्रिपरिषद्को सिफारिस र सम्मतिबाट हुनेछ भनी उल्लेख गर्दै त्यस्तो सिफारिस सम्मति प्रधानमन्त्रीमार्फत् पेस हुनेछ भनी लेखिएको छ ।
विगतमा राष्ट्रपतिबाट भएका काम कुराहरु विवादास्पद भएकोले महत्वपूर्ण कामहरु स्थापित भएका छैनन् । राष्ट्रपतिबाट सरकारलाई सहयोग नभएको सिकायत बराबर सार्वजनिक नै हुने गरिएका छन् । राष्ट्रपतिबाट त्यस्तो भूमिका गरिएकाले राजनीतिक पार्टीहरु आफ्नो अनुकूलको राष्ट्रपति बनाउनुपर्नेमा लागि परेका छन् । सत्ता साझेदारका ठूला पार्टी एमालेले आफ्नो उम्मेदवारमा राष्ट्रिय सहमति गर्नुपर्ने जिकिर गरिरहेका छन् भने प्रधानमन्त्री पुष्पकमल दाहाल अन्य दललाई पनि स्वीकार्य हुने उम्मेदवार खोज्नमा लागि परेका छन् । उता प्रतिपक्षी कांग्रेस आफ्नै उम्मेदवार खडा गर्ने कसरतमा छ । अन्य दलहरुले पनि आ–आफ्नै किसिमले भूमिका खेल्दै छन् ।
विगतमा राष्ट्रपतिको क्रियाकलापबाट सबभन्दा बढी पीडित कोही छन् भने उनी प्रधानमन्त्री दाहाल नै हुन् । उनले प्रधानसेनापति रुकमाङ्गत कटुवालको मामिलामा राष्ट्रपति डा. रामवरण यादवसँग कुरा नमिल्दा प्रधानमन्त्री पदबाट राजीनामा नै गरेका थिए । त्यस्तै पछि नागरिकताको सवालमा वर्तमान राष्ट्रपति विद्यादेवी भण्डारीसँग मतभेद भएको सर्वविदित छ । त्यसै भएकाले पनि उनले राष्ट्रिय सहमतिको कुरा ल्याएर नयाँ पासा फ्याकेका छन् । राष्ट्रपति निश्चय नै सर्वोपरी पद हो । तर देशको नेतृत्व भने प्रधानमन्त्रीले नै गर्ने हो । जिम्मेवारी प्रधानमन्त्रीकै हो, नेतृत्व गर्नेलाई अप्ठेयारोमा पार्नु हुँदैन । यो विवेकसम्मत कुरा हो । त्यसकारण नयाँ राष्ट्रपति विवेकशील, तटस्थ, निष्पक्ष र राष्ट्रिय एकतालाई सघाउने तथा सरकारलाई उचित सल्लाह परामर्श दिएर साथ र सहयोग गर्ने हुनुपर्दछ । राष्ट्रपति र प्रधानमन्त्रीबीच वैमनस्यता आउनु हुँदैन । उनीहरु एक अर्काका पूरकका रुपमा रहेर देशविकासको काममा गति दिने हुनुपर्छ । अब आउने राष्ट्रपति र प्रधानमन्त्रीको यस्तो जोडी होस् कि जुन जोडी इतिहासकै लागि उल्लेखनीय होस् ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१