पोखरा । घरेलु टोली गण्डकी प्रदेश र विभागीय एपिएफ क्लब टाइगर कप भलिबल प्रतियोगितामा क्रमशः पुरुष तथा महिलातर्फ च्याम्पियन बनेका छन् । शनिबार फाइनलमा पुरुषतर्फ गण्डकीले विभागीय एपिएफ क्लबलाई ३–२ सेटमा हराउँदै उपाधि जित्दा महिलातर्फ एपिएफले अर्को विभागीय त्रिभुवन आर्मीको चुनौती ३–१ सेटमा पन्छाउँदै उपाधि रक्षा गरेको हो ।
पहिलो संस्करण जितेको गण्डकीले दोस्रो पल्ट च्याम्पियन बन्नेक्रममा प्रतिस्पर्धात्मक खेलमा कठिन जीत हात पारेको हो । पहिलो सेट १६–२५ मा गुमाएको गण्डकीले दोस्रो सेटमा २५–१८ मा जितेको थियो । तेस्रो सेटमा २५–१९ ले जित्दै जीत नजिक पुगे पनि चौंथो सेट एपिएफलाई सुम्पियो । एपिएफ २८–२६ ले खेल जित्दै बराबरी खेलेकोमा पाँचौं तथा अन्तिम सेटमा भने गण्डकीले १५–८ को स्कोरले जित्यो । सेमिफाइनलसम्म अपराजित एपिएफको चुनौती पन्छाउँदै अन्ततः गण्डकी ५ लाख रुपैयाँ पुरस्कारको हकदार बनेको हो । उपविजेताले २ लाख ५० हजार पुरस्कार पाएको छ ।
पहिलो संस्करणमा आर्मीलाई हराउँदै गण्डकीले पहिलो उपाधि जितेकोमा दोस्रो पल्ट पुनः उपाधि जित्न सफल भएको हो । फाइनल रोमाञ्चक बनिरहेको बेला एएिफका खेलाडी र दर्शकबीच बोत्तल हानाहान हुँदा खेल केहीबेर रोकिन पुगेको थियो । तर सुरक्षाकर्मीले स्थिति नियन्त्रणमा लिंदा अप्रिय घटना हुन पाएन ।
नेपाल पुलिस क्लब भने तेस्रो भयो । साविक विजेता आर्मीलाई ३–१ हराउँदै तेस्रो स्थान सुरक्षित गरेको हो । पहिलो सेट २५–२२ ले गुमाएको पुलिसले पछिल्ला सेट २५–१८, २५–२१ र २५–२० ले जितेको हो ।
महिलातर्फ आर्मीलाई ३–१ को सेटमा हराउँदै एपिएफले दोस्रो पल्ट उपाधि जितेको छ । फाइनलमा उसले २५–२२, २०–२५, २५–८ र २५–२२ को सेटमा हराएको हो ।
टाइगर कपको पहिलो संस्करण पुलिसको पोल्टामा गएको थियो । महिलातर्फ होङवान्जी न्यू डायमण्ड स्पोर्ट्स क्लबले तेश्रो स्थान प्राप्त ग¥यो ।
पुरुषतर्फ गण्डकीका रवि केसी र महिलातर्फ एपिएफकी सरस्वती सर्वोत्कृष्ट खेलाडी घोषित हुँदै जनही २५ हजार प्राप्त गरेका छन् । महिलातर्फ उत्कृष्ट सेटर ललिना नाथ (डायमण्ड), सर्भर अरुणा शाही (गण्डकी), ब्लकर संगम महतो (आर्मी), लिब्रो सरस्वती जैसी (आर्मी), स्पाइकर निरुता ठगुन्ना (एपिएफ) घोषित भए । उत्कृष्ट प्रशिक्षक एपिएफका महेश चौधरी बने । पुरुषतर्फ उत्कृष्ट सेटर विवश आलेमगर (गण्डकी), सर्भर घनश्याम चौधरी (गण्डकी), लिब्रो विनोद चन्द (एपिएफ), स्पाइकर टेकराज अवस्थी (एपिएफ), ब्लकर भारतीय खेलाडी नितिन (गण्डकी) बने । पुरुषतर्पm उत्कृष्ट प्रशिक्षकमा रमेश केसी (गण्डकी) घोषित भएको प्रचार संयोजक इन्द्रप्रसाद पौडेलले बताए ।
Related News
सम्बन्धित समाचार
यस्तो छ लगानी सम्मेलनको कार्यतालिका
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
बुढ्यौलीमा भेडीगोठ मोह
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
जलवायु परिवर्तन असर : मुस्ताङको स्याउ उकालो चढ्दै
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१