लेखनाथ । तालचोक बजार व्यवस्थापन समितिको अध्यक्ष सुजन न्यौपाने निर्वाचित भएका छन् । समितिको तेस्रो अधिवेशनबाट सर्वसम्मत कार्यसमिति चयन गरेको छ । समितिको वरिष्ठ उपाध्यक्ष बलराम बराल, उपाध्यक्ष विजय न्यौपाने, सचिव सन्दीप पौडेल, कोषाध्यक्ष शंकर पौडेल चयन भए । सदस्यहरु विश्वराज तिवारी, सुनिता पौडेल र ईश्वरीप्रसाद सापकोटा छन् । अन्य सदस्यहरु कार्यसमितिले पछि चयन गर्नेछ ।

कार्यक्रममा लेकसिटी युथ क्लबका संस्थापक अध्यक्ष सुरजजंग राणा, अध्यक्ष अर्जुन भण्डारी, लेखनाथ उद्योग वाणिज्य संघका महासचिव राजु सुवेदी, तालचोक बजार व्यवस्थापन समितिका संस्थापक अध्यक्ष ऋषिराम भण्डारीलगायतले शुभकामना व्यक्त गरेका थिए ।

समितिका अध्यक्ष नगेन्द्र बरालको अध्यक्षतामा भएको कार्यक्रमको सञ्चालन सचिव बुद्धिप्रसाद बास्तोलाले गरेका थिए ।