पोखरा । प्रतिनिधिसभा तथा प्रदेशसभा निर्वाचनअन्तर्गत कास्कीमा मतपेटिका ल्याउने क्रम जारी छ । आइतबार भएको मतदानमा कास्कीमा करिब ६० प्रतिशत मतदान भएको थियो ।
यतिखेर कास्कीका तिनैवटा निर्वाचन क्षेत्रको मतपेटिका संकलन भइरहेको छ । क्षेत्र १ को पशु सेवा कार्यालय, क्षेत्र २ को पोखरा सभागृह र क्षेत्र ३ को जिल्ला समन्वय समितिमा मतपेटिका संकलन गर्ने क्रम जारी छ । मतदान स्थलबाट निर्वाचन अधिकृतको कार्यालयसम्म मतपेटिका ल्याउन प्रायः स्कुल बस प्रयोग गरिएको छ । दलका प्रतिनिधि सहित सुरक्षाकर्मीको कडा निगरानीमा मतपेटिका संकलन भइरहेको हो ।
कास्कीमा १ सय ५० मतदान स्थलका ३ सय ४४ मतदान केन्द्रमा छिटफुट घटनाबाहेक मतदान शान्तिपूर्ण रुपमा सम्पन्न भएको प्रदेश निर्वाचन कार्यालयका निर्वाचन अधिकारी हुमनाथ पराजुलीले बताए ।
कास्कीमा प्रत्यक्षतर्फ प्रतिनिधिसभा सदस्य चुनावमा ४६ र प्रदेशतर्फ ४५ उम्मेदवार प्रतिस्पर्धामा छन् । कास्कीमा कुल मतदाता संख्या २ लाख ९१ हजार ५ सय ६८ थिए ।
गएको २०७४ सालको चुनावमा कास्कीमा करिब ६७ प्रतिशत मतदान भएको थियो । त्यसबेला प्रत्यक्षतर्फ १७ दल र स्वतन्त्र गरी ९५ उम्मेदवार चुनावी मैदानमा थिए ।
Related News
सम्बन्धित समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
hero news full width
मुख्य समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१