देशमा चुनाव आएको छ । राजनीतिक पार्टीहरु सकेसम्म २४ सै घन्टा चुनावको चर्चा गर्न चाहन्छन् । त्यस्तै गरी प्रशासन यन्त्रलाई पनि चुनावले राम्ररी नै स्पर्श गरेको छ । चुनावको हावाले नछोएको वर्ग पाउन दुर्लभ छ । यस्तोमा देशमा डेंगुको प्रकोप बढ्दै गएको छ । पहिले यो डेंगुको रोग सार्ने लामखुट्टे तराईमा मात्र पाइन्थ्यो र त्यसले तराईमा मात्र रोग फैलाउँथ्यो भने अहिले त्यो लामखुट्टे विभिन्न माध्यमबाट पहाडमा फैलिएको र पहाडका हस्पिटलहरुमा डेंगुका बिरामीले भर्न थालेका छन् । राजधानी काठमाडौंमा पनि यो संक्रमण बढ्दै गएको छ । केहीको निधन डेंगुकै कारण भएको पनि बताइएको छ । अवस्था गम्भीर बन्दै छ तर रोग जति गम्भीर बन्दै छ, उति सरकारहरु गम्भीर देखिएका छैनन् ।
सरकारमा बस्नेहरुलाई आफ्नै समस्या ठूलो छ । तिनीहरुलाई जसरी भए पनि राजनीतिक लाभ चाहिएको छ । त्यसका लागि चुनावी प्रचार गर्नु परेको छ । उहिले पनि तिनीहरुले त्यस्तै गरेका थिए । त्यसबेला कोभिड–१९ भर्खरै देशमा प्रवेश हुँदै थियो । कोभिड १९ एक अर्काबाट छिटो सर्ने र खतरनाक पनि भएकोले तिनीहरुलाई ठूल्ठूला आम सभा जुलुसको आयोजना नगर्न धेरैले र धेरै ठाउँबाट सुझाव दिएका थिए । तर नेताहरुले ती कसैको सुझाव सुनेनन् । सभा र जुलुसको आयोजना गरिरहे । तिनीहरुको त्यो आयोजनाबाट के–कति संक्रमण बढ्यो, त्यसको तिनीहरुले किञ्चित पनि ख्याल गरेनन् । अहिले फेरि चुनाव पनि आएको छ । डेंगु पनि आएको छ, स्थिति पहिले जस्तै भएको छ । चिकित्सकहरुले डेंगुबाट सावधान रहन पटक–पटक आग्रह गरेका छन् । तर त्यो आग्रहका बाबजुद भेला भइरहेका छन् । स्थिति गम्भीरतिर उन्मुख भइरहेको छ । सम्बद्ध सरकारहरुले डेंगुको विरोधमा जे–जति प्रचारप्रसार गरी सावधानी अपनाउन लगाउनुपर्ने हो, त्यो गरिरहेको छैन । यसमा धेरैले असन्तोष व्यक्त गर्दै छन् ।
यसैबेला यो रोगको उपचारमा आवश्यक पर्ने सिटामोल बजारमा पाउन नसकेको गुनासो पनि आएको छ । पहिले कोरोनाको बेलामा पनि सिटामोलको बजारमा अभाव भएको थियो । व्यापारीहरुले अनुचित फाइदा उठाउने यसैबेला हो । त्यसमा पनि यस पटक चुनाव आएको बेला छ । सुनिन्छ व्यापारीहरुले एक ट्याब्लेटको १ रुपैयाँ पर्ने सिटामोललाई भाउ बढाएर ३ देखि ६ रुपैयाँसम्ममा बेच्ने प्रयास गरिरहेका छन् । सरकारलाई दबाब चर्को छ । त्यो दबाबलाई सरकारमा बस्नेहरुले के–कति सहन सक्छ, त्यो एक दुई दिनमा देखिनेछ । त्यस्तै तिनीहरुले जीवनजलको भाउ बढाउन पनि लागिरहेका छन् । समस्याबीच अनुचित फाइदा उठाउनेहरुलाई सरकारले दण्डित गर्ने बेलामा तिनीहरुलाई नै प्रोत्साहित गर्ने वातावरण बुन्दै गरेको बुझिएको छ । आम नागरिकको समस्या समाधान गर्नेतर्फ प्रशासन, सरकार र राजनीतिक दलका नेताहरुले समयमै पहल गर्नुपर्छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१