पोखरा । पोखरा महानगरपालिका वडा नं. ११ ले आठौं संविधान दिवसको उपलक्ष्यमा सरसफाइ कार्यक्रम आयोजना गरेको छ ।

काहुँ देउराली तथा काहुँ धरहरा क्षेत्रबाट सुरु गरिएको उक्त कार्यक्रमको पोखरा ११ का वडा अध्यक्ष प्रेमप्रसाद कर्माचार्यले शुभारम्भ गरेका थिए । त्यस अवसरमा वडाध्यक्ष कर्माचार्यले सरसफाइ कार्यमा सबै एकसाथ लाग्नुपर्नेमा जोड दिए ।

वडा सदस्य सुशील बास्तोलाले सरसफाइ कार्यक्रमलाई निरन्तरता दिन आग्रह गर्दै ११ नम्बर वडालाई स्वच्छ सुन्दर वडाका रुपमा चिनाउन सकिने विश्वास व्यक्त गरे ।

कार्यक्रममा शिवशक्ति मावि फूलबारी र कालिका मावि काहुँका विद्यार्थी, फूलबारी क्लब, जनकल्याण क्लब, रानीपौवा आमा समूह, चण्डी आमा समूह, राधाकृष्ण आमा समूह, सिस्नेरी आमा समूहलगायत समाजसेवी, तथा राजनीतिकर्मीको उत्साहजनक सहभागिता थियो ।