पोखरा । आसन्न प्रतिनिधिसभा तथा प्रदेशसभा निर्वाचनका लागि नेकपा (माओवादी केन्द्र) ले कास्कीबाट सम्भावित उम्मेदवारको सूची पठाएको छ । जिल्ला पार्टी कमिटीमा छलफल गरेर उनीहरुको नाम प्रदेश कमिटीमा पठाइएको हो ।
कास्की क्षेत्र १ बाट प्रतिनिधिसभा सदस्य बन्न यशोदा सुवेदी गुरुङ, राजकाजी गुरुङ ‘करण’, तेजकुमारी पौडेल र शिवजी लामिछानेले आकांक्षा देखाएका छन् । करण यसअघि कास्की २ (ख) बाट प्रदेशसभामा प्रतिस्पर्धा गरेका थिए । सबैतिर बामगठबन्धनले चुनाव जित्दा उनी कांग्रेसका बिन्दुकुमार थापासँग पराजित भएका हुन् ।
यस्तै, प्रदेशसभातर्फ (क) बाट हालका सांसद दीपक कोइरालासहित नेताहरु विश्वप्रकाश लामिछाने, विमला पहारी, छवि लामिछाने र अमरदीप पराजुलीले नाम टिपाएका छन् । प्रदेशसभा (ख) मा गायत्री गुरुङ, शरदचन्द्र बराल, तोरण गुरुङ र सूर्यप्रकाश तिवारीको नाम छ । गायत्री हाल गण्डकी प्रदेशसभामा समानुपातिक सांसद हुन् । क्षेत्र २ बाट सुमन देवकोटा र गंगा पोखरेलको नाममात्रै गएको छ ।
प्रदेशसभा (क) मा जनकराज पराजुली र भक्तबहादुर खत्री तथा प्रदेशसभा (ख) मा विनय थापा, हरिनारायण गिरी, रुद्र विश्वकर्मा र रामजी आचार्यलाई पठाइएको माओवादी कास्कीले जनाएको छ । क्षेत्र ३ बाट प्रतिनिधिसभामा रामजीप्रसाद बराल, दुर्गाकुमारी विक, नवराज भण्डारी र बलराम सुवेदीको नाम सिफारिस भएको छ । बराल हाल गण्डकी प्रदेशसभाको सांसद तथा अर्थमन्त्रीको भूमिकामा छन् ।
गठबन्धन कायम भए माओवादीले कास्कीमा प्रतिनिधिसभा १ क्षेत्र र प्रदेशसभाका २ क्षेत्रमात्रै
प्रदेशसभा (क) बाट आशमान रोका, सिर्जना त्रिपाठी, भोजराज पौडेल, टंकप्रसाद अधिकारी र तीर्थ लुइँटेलको नाम छ भने (ख) बाट अग्नि कँडेल, दुर्गादत्त भण्डारी, त्रिभुवन पौडेल, हरिप्रसाद भण्डारी र गोविन्द्र अधिकारीलाई सिफारिस गरिएको हो । समानुपातिक संघतर्फ सोमति गुरुङ, बखानसिंह तमु, राजकुमारी दुलाल, जुवेदा खातुन र अनिता भूर्तेल तथा प्रदेशमा अलिसा आले, जगमाया सुनार, गोमा ढकाल, विश्वेश्वर आचार्य र सन्तबहादुर भुजेलको नाम सिफारिस भएको छ ।
गठबन्धन कायम भए माओवादीले कास्कीमा प्रतिनिधिसभा १ क्षेत्र र प्रदेशसभाका २ क्षेत्रमात्रै पाउने बुझिएको छ । त्यसो हुँदा माओवादीले क्षेत्र १ बाट प्रतिनिधिसभामा बढी दाबी गरेको देखिन्छ । यसअघि क्षेत्र २ बाट चुनाव लडेका राजकाजी १ बाट प्रतिनिधिसभामा दाबी गरेका छन् । त्यसो त अर्का नेता दीपक कोइराला पनि क्षेत्र १ कै प्रदेशसभा (क) बाट दाबी गरेका कारण नेताको पहुँचमा निर्भर हुन्छ । कास्कीमा गुरुङ र कोइरालाबीच बढी प्रतिस्पर्धा हुन्छ ।
यसैबीच, माओवादी केन्द्रले जिल्ला, निर्वाचन क्षेत्र र पालिकाको इन्चार्ज र संयोजकहरु तोकेको छ । जिल्ला संयोजकमा केशव पौडेललाई जिम्मेवारी दिइएको छ । क्षेत्र १ इन्चार्जमा तेजकुमारी पौडेल र संयोजक विनय थापा, प्रदेशसभा (क) इन्चार्जमा सोमति गुरुङ र संयोजक निर्मला सुवेदी तथा (ख) मा बखानसिंह तमुलाई इन्चार्ज र कल्पना पाण्डेलाई संयोजक तोकेको छ ।
क्षेत्र २ मा सुमन देवकोटा इन्चार्ज बनेका छन् । संयोजक राजकुमार दुलाललाई बनाइएको छ । प्रदेशतर्फ (क) मा गंगा पोखरेल इन्चार्ज र रुद्र गौतम संयोजक तथा (ख) मा मेखबहादुर विक इन्चार्ज र जुवेदा खातुन संयोजक छन् । क्षेत्र ३ को इन्चार्ज रामजी बराललाई तोकिएको छ भने भीमबहादुर विक संयोजक बनेका छन् । प्रदेशमा (क) इन्चार्ज आशमान रोका र संयोजक नवराज भण्डारी तथा (ख) मा दुर्गा विक इन्चार्ज र त्रिभुवन पौडेल संयोजक छन् । अन्नपूर्ण गाउँपालिमा दुर्गादत्त भण्डारी, मादीमा लालबहादुर गुरुङ र रुपामा अमरदीप पराजुलाईले इन्चार्ज जिम्मेवारी पाएका छन् । माछापुच्छ«े गाउँपालिकामा भने टुंगाउन बाँकी छ ।
प्रतिनिधिसभा तथा प्रदेशसभाको निर्वाचन आगामी मंसिर ४ एकै चरणमा हुँदैछ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१