नेकपा (एमाले) अध्यक्ष केपी शर्मा ओली प्रधानमन्त्री भएको बेला असंवैधानिक किसिमले प्रतिनिधिसभा भंग गरेपछि एकजुट भएको पाँचदलीय गठबन्धन सरकारले १ वर्ष बिताएको छ । गठबन्धन सरकारले स्थानीय तहको चुनावमा सम्पन्न पनि गरिसकेको छ । गठबन्धन सरकारमा रहेका पार्टीहरुले आपसमा गठबन्धन गरी चुनाव लडे । चुनावमा तिनीहरुले अपेक्षाकृत जीत हासिल गरे । तिनीहरु आगामी संसदको निर्वाचनमा पनि तालमेल गरेरै चुनाव लड्ने तयारीमा छन् । गठबन्धनका सम्बन्धमा जसले जे भने तापनि यो गठबन्धन सरकार चुनावसम्म जाने निश्चितप्रायः छ ।
यो गठबन्धनको विरोधमा धेरैले धेरै किसिमको अभ्यास गरे । खास गरेर सिद्धान्तवादी कम्युनिष्टहरु कम्युनिष्ट–कम्युनिष्ट मिल्नु पर्दछ भनेर पसिना पनि बगाए । अर्कोतिर समाजवादी फोरमको कुराले पनि केही समय बित्यो तर परिणाम पनि केही निस्केन । ती कुरा कतिपयले नेपाली कांग्रेससँग बार्गेनिङ गर्ने प्रायोजन गरिएको विषय पनि ठाने । त्यो जे भए पनि अहिले बाहिर ती दुवै विषय सुस्ताएको छ । उता गठबन्धनका नेताहरु भने चुनावी गठबन्धनका लागि आफ्नो छलफल सुरु गरेका छन् । गठबन्धनको आकर्षण बढ्दो छ । साना पार्टीहरु पनि गठबन्धनको छहारी खोज्देै प्रधानमन्त्री शेरबहादुर देउवासमक्ष जान थालेका छन् । यस्तो वातावरण बन्दै छ कि कोही न कोहीसँग तालमेल नगरी चुनाव जित्न सकिंदैन कि भन्ने वातावरण बन्दैछ । कोहीसँग तालमेल नगर्ने भनी अघि बढेको नेकपा एमाले पनि तालमेलका लागि साना पार्टीहरु खोज्दै छ ।
स्थानीय चुनावमा गठबन्धन सफल हुन्छ कि हुन्न भन्ने थियो । गठबन्धन पूर्णरुपले सफल त भएनन् तर जे जति सफल भयो र उनीहरुले जे जति परिणाम प्राप्त गरे, त्यसबाट तिनीहरु सन्तुष्ट छन् । त्यसै भएर तिनीहरु संसदको चुनावमा पनि गठबन्धन गरेर अघि बढ्नु पर्दछ भनेर उत्साहसाथ लागेका छन् । पहिले कांग्रेसका केही नेताहरु पनि गठबन्धनप्रति सकारात्मक थिएनन् तर अहिले गठबन्धनको औचित्य र आवश्यकताबारे बोल्न थालेका छन् । गठबन्धनप्रति एउटा भरोसा उत्पन्न भएको छ । त्यसैले लोकतान्त्रिक समाजवादी पार्टी लगायतका पार्टीहरु गठबन्धनतिर आएमा तिनीहरुको भविश्य सुरक्षित देखेका छन् । तैपनि अहिले चुनावको स्थिति कस्तो हुन्छ, वातावरण कस्तो हुन्छ, नभए पार्टी र स्वतन्त्रहरुको भूमिका के हुन्छ, ती अहिले नै आकलन गर्न सकिंदैन । राजनीति पनि एक खेल हो । खेलको परिणाम रातारात परिवर्तन हुन सक्छ । यो कुरा राजनीतिका पुराना खेलाडीहरुले समयमै बुझ्नु आवश्यक छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१