पोखरा । पोखरा महानगरपालिकाले चिस्यान सुविधासहितको कृषि एम्बुलेन्स सञ्चालन गर्ने भएको छ । ग्रामीण क्षेत्रका कृषकको उत्पादन बजारीकरण गर्न निशुल्क ढुवानी सुविधासहित सेवा संचालन गर्न लागिएको महानगरपालिकाले जनाएको छ ।
फलफूल तरकारी मूल्य श्रृंखला विकास आयोजनासँगको साझेदारीमा कृषि एम्बुलेन्स संचालन हुनेछ । सोसम्बन्धी सम्झौतामा कृषि तथा पशुपन्छी विकास मन्त्रालयका सहसचिव प्रकाशकुमार सन्जेल र महानगर प्रमुख धनराज आचार्यले हस्ताक्षर गरेका छन् । एक पटकमा ३ टनभन्दा धेरै तरकारीको ढुवानी गर्न सक्ने क्षमताको उक्त एम्बुलेन्स सञ्चालनलाई महानगरले थप व्यवस्थित गर्दै लैजाने जनाइएको छ ।
कृषि एम्बुलेन्सले महानगरपालिकाका उत्पादन केन्द्रित वडाका संकलन केन्द्रहरुबाट फलपूmल तथा तरकारी निशुल्क ढुवानी गर्नेछ भने उपभोक्ता केन्द्रित वडामा वितरणको काम गर्नेछ । ग्रामीण क्षेत्रका किसानले उत्पादन गरेको तरकारी मुख्यबजार क्षेत्रका उपभोक्तालाई स्वस्थ उपज खुवाउने महानगरको वार्षिक नीति तथा कार्यक्रमअनुसार कृषि एम्बुलेन्स सञ्चालन गर्न लागिएको आचार्यले बताए । उनका अनुसार कृषि एम्बुलेन्समार्फत कृषकलाई आवश्यक पर्ने बिउसमेत वितरण गर्न सहज हुनेछ ।
कृषि एम्बुलेन्सको सञ्चालनले कृषि उपजमा हुने क्षतिको न्युनीकरण, उत्पादन क्षेत्रदेखि बजार केन्द्रसम्म सुरक्षित कृषि उपज ढुवानी, समयमा ढुवानी तथा बजारीकरणको अभावका कारण तरकारी बिग्रेर हुने फोहोरमा कमी, तरकारीमा हुने चरम बिचौलियापनको अन्त्य, कृषकलाई तरकारी बजारसम्म पु¥याउन हुने तनावको अन्त्य, स्थानीय उत्पादनलाई प्रोत्साहन र उपभोक्ताको घरघरमा ताजा तरकारीको उपलब्धता लगायत फाइदा हुने महानगर कृषि विकास महाशाखाका प्रमुख मनोहर कडोरियाले बताए ।
तालिका बनाएर महानगरका विभिन्न क्षेत्रहरूमा दैनिकजसो सञ्चालन गरिने यस सेवाले साना किसानलाई समेत आफ्नो कृषि उपजको बजारीकरणमा सहयोग पुग्ने विश्वास लिइएको छ ।
Related News
सम्बन्धित समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
hero news full width
मुख्य समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१