पोखरा । नेपाल खेलकुद पत्रकार मञ्च गण्डकीको आयोजनामा हुने छैटौं पोखरा स्पोर्टस् अवार्ड २०७८ मा सहारा क्लब पोखराले सहयोग गर्ने भएको छ ।
मञ्चले वितरण गर्ने उदीयमान खेलाडी पुरस्कार वापत क्लबले ३५ हजार रुपैयाँ सहयोग गर्ने बारे सहमति भएको हो । सो सम्बन्धमा सहारा क्लब पोखराका अध्यक्ष हरिराम गुरुङ सुरज र नेपाल खेलकुद पत्रकार मञ्च गण्डकीका अध्यक्ष दीननाथ बरालबीच सम्झौता आदानप्रदान भयो ।
विश्व खेलकुद पत्रकार दिवस अवसर पारेर मञ्चले असार १८ मा स्पोर्टस् अवार्ड गर्दैछ । सो समारोहमा विगतमा झैं लाइफटाइम अचिभमेन्ट अवार्ड, वर्ष खेलाडी पुरुष, वर्ष खेलाडी महिला, उदीयमान खेलाडी, उत्कृष्ट प्रशिक्षक, उत्कृष्ट खेल संघ र उत्कृष्ट खेल पत्रकारलाई अवार्ड वितरण गर्ने मञ्चका महासचिव राजाराम पौडेलले बताए । पोखरा उद्योग वाणिज्य संघको सभाहलमा हुने समारोहको आवश्यक तयारी तीव्र पारिएको मुल आयोजक समिति संयोजक एवं मञ्च अध्यक्ष दीननाथ बरालले जानकारी दिए । अवार्ड वितरण गर्न खेलकुदतर्फ विनोद लामिछानेको संयोजकत्वमा प्रतिभा छनोट समिति र वर्ष उत्कृष्ट खेल पत्रकारलाई प्रदान गरिने पुरस्कारका लागि त्रिभुवन पौडेलको संयोजकत्वमा समिति गठन गरिएको छ ।
यसैबीच, मञ्च र क्लबबीच ओलम्पिक डे अवसरमा सहारा एकेडेमीको खेल मैदान दोबिल्लामा मैत्रीपूर्ण फुटबल प्रतियोगिता भएको छ । प्रतियोगितामा दुवै टिमले एक एक गोल गर्दै बराबरीमा टुंगिएको थियो । क्लबको तर्फबाट राजु हमाल र मञ्चको तर्फबाट टिम क्याप्टेन सुरज श्रेष्ठले गोल गरेका हुन् ।
एन्फा कास्कीका अध्यक्ष उज्वल रन्जितले रेफ्रीलाई बल हस्तान्तरण गरेर उद्घाटन गरेको प्रतियोगितामा ओलम्पिक दिवसबारेमा स्पोट्र्स फर अल कमिटी गण्डकीका अध्यक्ष खड्गबहादुर रानाभाटले प्रकाश पारेका थिए ।
Related News
सम्बन्धित समाचार
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
स्पोर्ट्स अवार्डलाई सहयोग आउने क्रम जारी
hero news full width
मुख्य समाचार
गण्डकीका ४ सय ६७ स्थानमा डढेलो
बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१