पोखरा । स्थानीय तह निर्वाचनमा राप्रपाले गण्डकीमा सन्तोषजनक नतिजा हात पारेको निष्कर्ष निकालेको छ । अघिल्लो चुनावको परिणाम तुलनामा यसपालिको स्थानीय तह चुनावमा दोब्बर प्रगति हासिल गरेको समीक्षा बैठकको निष्कर्ष छ ।
राप्रपा गण्डकी अध्यक्ष पञ्चराम गुरुङको अध्यक्षतामा बसेको बैठकमा केन्द्रीय उपाध्यक्ष तथा सचिवालय प्रमुख इञ्जिनियर हेमजंग गुरुङले निर्वाचनको परिणामभन्दा दोब्बर प्रगति हासिल गरेकोमा प्रदेशलाई धन्यवाद ज्ञापन गरे । उनले यत्तिमै सन्तुष्टी लिएर बस्न नहुने र आ–आफ्नो क्षेत्रबाट संगठन बिस्तार गरी सक्रियरुपमा अघि बढ्नुपर्ने बताए । उनले आगामी दिनमा संघ र प्रदेशको चुनावको तयारीमा प्रशिक्षण कार्यक्रम गर्ने बताए ।
पूर्वमन्त्री समेत रहेका केन्द्रीय सदस्य भीमप्रसाद गौचनले अन्य दलले पैसाको होडबाजीमा निर्वाचन जितेको विषय उजागर गर्दै राप्रपा भ्रष्टाचारको अन्त्य, प्रत्यक्ष निर्वाचित प्रधानमन्त्री र संघीयता खारेज गरी सुशासनको पक्षधरमा अडान भएकोले इमानदारितापूर्वक अघि बढ्दै जाने बताए ।
पार्टीका प्रदेश २ अध्यक्ष भरत गिरी, केन्द्रीय सदस्य तथा पोखरा महानगरपालिकाका मेयरका उम्मेदवार शंकर खराल, पूर्व केन्द्रीय सदस्य बिन्दु पौडेल लगायतले मन्तव्य व्यक्त गरेका थिए ।
गण्डकीका ११ वटै जिल्लाबाट अध्यक्ष एवं प्रतिनिधिले निर्वाचनमा भएको प्रगति प्रतिवेदन प्रस्तुत गरेका थिए ।
गण्डकीमा राप्रपाले १२ वडा सदस्य गरी १३ सिट जितेको राप्रपा गण्डकी प्रवक्ता पार्वता पौडेलले जनाइन् । जसमा नवलपुरको त्रिवेणी गाउँपालिका वडा ७ मा अध्यक्षसहित प्यानल निर्वाचित भएको छ । गैडाकोट वडा १५ मा २ वडा सदस्य, पर्वतको महाशिला ४ मा १ वडा सदस्य, मुस्ताङको घरपझोङ २ मा २ वडा सदस्य, बागलुङमा २ र तनहुँको आँबुखैरेनीमा १ वडा सदस्य गरी १३ सिट जितेको हो । पार्टी उपाध्यक्ष चन्द्रावती पन्थले स्वागत मन्तव्य गरेको कार्यक्रमको संचालन सचिव बरुणविक्रम राणाले गरेका थिए ।
Related News
सम्बन्धित समाचार
एकीकृत सरकारी कर्मचारीको भित्तेपात्रो विमोचन तथा शुभकामना आदानप्रदान
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
अधिकारी सरकारको भविष्य के होला ? सर्वाेच्चमा सुनुवाइ आज
मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
चुमानलाई पहिलोपटक ढुकुटीको साँचो, मनाङे फेरि भौतिकमा
hero news full width
मुख्य समाचार
बुटवल पावर कम्पनीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१