पोखरा । गण्डकी प्रदेशका विभिन्न स्थानीय तहका लागि प्रदेश लोक सेवा आयोगले छनौट प्रक्रिया सम्पन्न गरी सिफारिस गरेका स्थास्थ्य सेवाका कर्मचारीका लागि अभिमुखीकरण गरिएको छ । कार्यक्रममा ३ सय १ जना अहेव सहभागी थिए ।
नवप्रवेशी कर्मचारीका लागि सेवा प्रारम्भ गर्न आवश्यक सेवा सम्बन्धी आधारभूत विषयवस्तु र कार्यगत जिम्मेवारी सम्बन्धी जानकारी उपलब्ध गराउन प्रदेश लोक सेवा आयोग र गण्डकी प्रदेश प्रशिक्षण प्रतिष्ठानले अभिमुखीकरण गरेका हुन् ।
प्रमुख सचिव रविलाल पन्थले नवप्रवेशी कर्मचारीहरूलाई बधाई तथा शुभकामना दिनुका साथै निजामती कर्मचारीका रुपमा इमान्दार राष्ट्र« सेवकको छवी बनाउँदै उच्च मनोबलका साथ कार्य गर्न निर्देशन दिए । प्रदेश लोक सेवा आयोगका अध्यक्ष विष्णुप्रसाद नेपालले नवप्रवेशी कर्मचारीहरूलाई आयोगले सिफारिस गरेको स्थानीय तहमा गई तोकिएको काम–कर्तव्य र जिम्मेवारी वफदारीपूर्वक सम्पादन गरी आफूलाई अव्वल सावित गर्न प्रात्साहित गरे ।
प्रतिष्ठानका कार्यकारी निर्देशक ऋषिराम पाण्डेले जनप्रतिनिध र कर्मचारीको क्षमता विकासमा प्रतिष्ठानले खेलेको भूमिकाका बारेमा चर्चा गरे । कार्यक्रमको प्राविधिक सत्रमा कर्मचारी छनौट र सिफारिस सम्बन्धी व्यवस्था, कर्मचारीको मूल्यमान्यता र आचार संहिता, कर्मचारीको क्षमता तथा वृत्ति विकास र स्वास्थ्य सेवाका अहेवका मुख्य जिम्मेवारी र स्वास्थ्य सेवा प्रवाह गर्दा ध्यान दिनुपर्ने विषयमा सहजीकरण गरिएको थियो ।
मुख्यमन्त्री तथा मन्त्रिपरिषद्को कार्यालयका सचिव रामप्रसाद आचार्य, आयोगका सदस्य द्वय योगेन्द्र गौचन तथा कल्पना लम्साल, स्वास्थ्य निर्देशनालयका निर्देशक खिम बहादुर खड्का, प्रतिष्ठानका कार्यकारी निर्देशक ऋषिराम पाण्डे र स्वास्थ्य कार्यालय कास्कीका प्रमुख बद्री आचार्यले सत्रको सहजीकरण गरेका थिए ।
प्रदेश लोक सेवा आयोगबाट सिफारिस भएका २ सय २६ जना अनमी कर्मचारीका लागि यस किसिमको अभिमुखीकरण यहि वैशाख ७ गते भएको थियो ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१