पोखरा, ११ फागुन । नेपाली फिल्मका चर्चित अभिनेता पल शाहविरूद्ध जबर्जस्ती करणीको जाहेरी दर्ता भएको छ । एक गायिका तथा मोडलले जिल्ला प्रहरी कार्यालय तनहुँमा आफ्नो बावुको नामबाट बुधबार जाहेरी दर्ता गराएकी हुन् ।
जिल्ला प्रहरी कार्यालय तनहूँका प्रवक्ता प्रहरी नायव उपरीक्षक पूर्णबहादुर खड्काले जाहेरी परेको पुष्टि गर्दै अनुसन्धान जारी रहेको जानकारी दिए । सुरुआतमा जिल्ला प्रहरी कार्यालय कास्कीमा जाहेरी परेकोमा घटनास्थल आफ्नो क्षेत्राधिकारभित्र नभएको भन्दै प्रहरीले तनहूँ जान सुझाएको बताइएको छ।
पटक–पटक पलले आफूमाथि जबर्जस्ती करणी गरेको र पछिल्लो समय दुलेगौंडास्थित प्रदीप थापाको घरकोठामा गत वैशाख १४ गते भएको जाहेरीमा उल्लेख छ । कास्की प्रहरी स्रोतका अनुसार ती गायिका झन्डै १ महिनाअघि परिवारसहित पलविरूद्ध उजुरी गर्न आएकी थिइन्।
तनहूँमा दर्ता जाहेरीमा प्रतिवादीले गत वर्षको पुस १० मा पोखरास्थित होटल प्राइममा र सोही वर्षको चैत ७ मा चितवनको गैंडाकोटस्थित एक रिसोर्टमा पटक–पटक जबर्जस्ती करणी गरेको उल्लेख छ । साथै हेरविचारको बहानामा मायाप्रेमको झुठो नाटक गरी निज पल शाहले मुलुकी अपराध संहिता २०७४ को दफा २१९ (२) विपरीत कसुर गरेको भन्दै कडाभन्दा कडा कारबाही गरी कानुनबमोजिम पीडितलाई उचित क्षतिपूर्तिसमेत दिलाउन माग गरिएको छ । पल र ती गायिकाबीच गत वर्षको असोज २२ मा काठमाडौंमा एक गीत भिडियो सुटिङक्रममा पहिलो पटक भेट भइ फेसबुक आइडी र फोन आदानप्रदान भएको थियो । दाङको घोराही उपमहानगरपालिका वडा २, रामपुरका ३२ वर्षीय पल शाहको वास्तविक नाम पूर्णविक्रम शाह हो।
कानुनअनुसार १८ वर्षभन्दा मुनिका बालबालिकासँग सहमतिमै पनि राखिएको शारीरिक सम्बन्ध बलात्कार ठहर्ने कानुनी व्यवस्था छ । मुलुकी अपराध संहिता, २०७४ को परिच्छेद १८ मा करणीसम्बन्धी कसुरको व्यवस्था दफा २१९ (२) छ । उक्त दफाले कसैले कुनै महिलालाई निजको मञ्जुरी नलिई करणी गरेमा वा मन्जुरी लिएर भए पनि १८ वर्षभन्दा कम उमेरको कुनै बालिकालाई करणी गरेमा निजले त्यस्तो महिला वा बालिकालाई जबरजस्ती करणी गरेको मानिनेछ भन्ने व्यवस्था छ । १६ वर्षदेखि १८ वर्ष उमेरकी बालिकासँग यौन सम्बन्ध राखेमा १० देखि १२ वर्षसम्म जेल सजाय हुन सक्ने मुलुकी अपराध संहितामा उल्लेख छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१