पोखरा । गण्डकी प्रदेशमा पछिल्ला दिनमा कोरोना संक्रमित हुनेको संख्या घट्दै गएको छ ।
प्रदेश स्वास्थ्य निर्देशनालयको तथ्यांकअनुसार शुक्रबार २ सय ३८ जनामात्र संक्रमित भए । प्रदेशमा बिहीबार २ सय ९०, बुधबार ३ सय ८२ र मंगलबार ४ सय ३५ जनामा संक्रमण पुष्टि भएको थियो । पछिल्ला साता प्रदेशमा २ हजार ५ सय ७५ जनामा कोरोना देखिएको थियो भने अघिल्लो साता ५ हजार ३२ जनामा पोजेटिभ रिजल्ट आएको हो ।
गत माघ १० मा सबैभन्दा बढी ९ सय ४९ जना संक्रमित भएका थिए । संक्रमित संख्या घट्दै गए पनि स्वास्थ्य सुरक्षा मापदण्ड ख्याल गर्न प्रदेश स्वास्थ्य निर्देशनालय गण्डकी प्रदेशले सुझाव दिएको छ । प्रदेशमा हाल सक्रिय संक्रमित ४ हजार ५ सय ६९ जना छन् । तीमध्ये ४ हजार ५ सय १९ होम आइसोलेसनमा बसेका छन् ।
कोरोना संक्रमित संख्या ओरालो लागेको गण्डकीमा निको हुनेको संख्या उकालो लागेको छ । शुक्रबार ९ सय ३५ जना निको भएका छन् भने बिहीबार ९ सय ४९ जनाले कोरोना जितेका थिए । पछिल्ला एक हप्तामा ५ हजार ३ सय ३१ जनाले कोरोना जितेका छन् । अघिल्लो साता सोही अवधिमा १ हजार ८ सय ८८ जना निको भएका थिए ।
गण्डकीमा हालसम्म कुल १ लाख ४ सय ९२ जना संक्रमित भएका छन् । तीमध्ये ९४ हजार ४ सय ६२ जना निको हुँदा १ हजार ४ सय ४१ जनाले ज्यान गुमाइसकेका छन् ।
यसैगरी, नेपालभर पछिल्लो २४ घण्टामा कोरोना भाइरस (कोभिड–१९) संक्रमणबाट थप १६ जनाको मृत्यु भएको छ । थप २ हजार ५ सय २६ जनामा संक्रमण पुष्टि भयो ।
कोरोना संक्रमित संख्या ओरालो लागेको गण्डकीमा निको हुनेको संख्या उकालो लागेको छ
स्वास्थ्य तथा जनसंख्या मन्त्रालयका अनुसार देशभर ११ हजार ७३ नमुना परीक्षण गरिएको थियो । ६ हजार ६ सय ५५ नमुनाको पिसिआर टेस्ट गर्दा १ हजार ६ सय २ र ४ हजार ४ सय १८ नमुनाको एन्टिजेन टेस्टमा ९ सय २४ जनामा संक्रमण पुष्टि भएको छ । सो अवधिमा ८ हजार ४ सय २५ जना निको भए । हाल देशभर ५६ हजार ४ सय ५७ संक्रिय संक्रमित छन् । ५५ हजार ९० संक्रिय संक्रमित होम आइसोलेसनमा छन् भने १ हजार ३ सय ६७ जना संस्थागत आइसोलेसनमा छन् । उनीहरुमध्ये २ सय ४३ जनाको आइसियु र ५१ जनाको भेन्टिलेटरमा उपचार भइरहेको मन्त्रालयले जनाएको छ ।
नोपलमा हालसम्म कोराना संक्रमितको कुल संख्या १० लाख ९७ हजार ५ सय ८९ पुगेको छ । यस्तै, ११ हजार ७ सय ९४ जनाले ज्यान गुमाउँदा ८ लाख ९५ हजार ८ सय ६८ निको भएका छन् ।
स्वास्थ्य मन्त्रालयले समेत नेपालमा कोरोना संक्रमण दर घट्दै गएको जनाएको छ । मन्त्रालय प्रवक्ता डा. संगीता मिश्रले पछिल्लो केही दिनयता नेपालमा कोरोना संक्रमण दर घट्दै गइरहेको बताएकी हुन् । उनले छिमेकी मुलुक भारतको आन्ध्र प्रदेशबाहेक अन्य राज्यमा पनि कोरोना भाइरसको नयाँ भेरियन्ट ओमिक्रोनको संक्रमण दर घट्दो क्रममा रहेको र त्यसको प्रभाव नेपालमा पनि परेको बताइन् । स्वास्थ्य सतर्कता अपनाएकै कारण यसको संक्रमण दर घटेका भन्दै उनले स्वास्थ्य मापदण्ड पालना गर्न सबैसँग पुनः सचेत गराइन् ।
पछिल्लो तथ्यांकले पनि नेपालमा संक्रमण दर घट्दै गएको देखाएको उनको भनाइ छ । उनले भनिन्, ‘बढी सतर्कता अपनाएर पनि यसको दर घटेको हु नसक्छ । स्वास्थ्य मापदण्ड अपराउने, भीडभाडमा नजाने र खोप लगाउने काम गर्नु प¥यो ।’ नागरिकलाई कोरोनाविरुद्धको खोप लगाउन कुनै कमी नहुने गरी आवश्यक व्यवस्था गरिएकोसमेत उनले बताइन् ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१