पोखरा । गण्डकी प्रदेशमा सोमबार थप ९ सय ४९ जनामा कोरोना संक्रमण भएको छ । प्रदेश स्वास्थ्य निर्देशनालयका अनुसार १ हजार ६ सय ३१ जनाको नमुना परीक्षण गरिएकोमा ५८.१८ प्रतिशतमा संक्रमण पुष्टि भएको हो । प्रदेशका ११ जिल्ला मध्ये सबैभन्दा बढी कास्कीमा ४ सय ५६ र सबैभन्दा कम मुस्ताङमा ४ जना संक्रमित भेटिएका छन् ।
मनाङमा संक्रमित नहुँदा तनहुँमा १ सय, लमजुङमा ९६, पर्वतमा ७८, स्याङ्जामा ७५ जनामा कोरोना पोजेटिभ भएको हो । यस्तै म्याग्दीमा ४९, नवलपुरमा ४७, गोरखामा ३५ र बागलुङ ९ जना नयाँ संक्रमित भएका हुन् । आइतबार ६ सय ९७ जनामा कोरोना देखिएकोमा सोमबार यो संख्या बढेर ९ सय ४९ पुगेको हो । सोमबार नै १ सय ८६ जना कोरोना निको भएका छन् ।
नेपालभर पछिल्लो २४ घण्टामा १० हजार ३ सय १९ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले सोमबार सार्वजनिक गरेको बुलेटिनमा २१ हजार २ सय १ परीक्षण गर्दा १० हजार ३ सय १९ जनामा संक्रमण पुष्टि भएको हो ।
सक्रिय संक्रमितको संख्या ८२ हजार ५ सय ५० पुगेको छ । पछिल्लो समय २ हजार ५ सय ४० निको भए । योसँगै निको हुने ८ लाख २४ हजार २ सय ३९ पुगेको छ । यो दर ८९.७ प्रतिशत हो ।
२४ घण्टामा ४ संक्रमितको मृत्यु भयो । हालसम्म ११ हजार ६ सय ५९ जनाको कोरोना संक्रमणका कारणले मृत्यु भइसकेको छ । यस्तै ५ सयभन्दा बढी संक्रमण भएका जिल्ला १५ पुगेको छ । मन्त्रालयका अनुसार मोरङ, सुनसरी, झापा, धनुषा, काठमाडौं, ललितपुर, भक्तपुर, चितवन, मकवानपुर, काभ्रे, कास्की, नवलपरासी पूर्व, बाँके, रुपन्देही र कैलाली हुन् । यस्तै २ सयभन्दा बढी संक्रमित भएका १७ जिल्ला छन् । ती जिल्लामा पर्सा, बारा, महोत्तरी, सत्तरी, सर्लाही, सिराहा, नुवाकोट, धादिङ, सिन्धुपाञ्चोक, सिन्धुली, गोरखा, तनहुँ, स्याङ्जा, बागलुङ, दाङ, पाल्पा र कञ्चनपुर हुन् । नेपालमा संक्रमण दर १७.९ प्रतिशत छ । हाल होम आइसोलेसनमा ८० हजार ७ सय ७९, संस्थागत आइसोलेशनमा १ हजार ७ सय ७१, सघन उपचार कक्ष २ सय ३८ र भेन्टिलेटरमा ४३ जनाको उपचार हुँदैछ ।
विगत २४ घण्टामा सोमबार १ लाख १९ हजार ३ सय ७१ जनाले खोप लगाएका छन् । अहिलेसम्म पहिलो मात्रा १ करोड ६२ लाख ८९ हजार ४ सय २५ जना र पूर्ण मात्रा १ करोड २९ लाख ६६ हजार ३ सय ६२ जनाले लगाइसकेका छन् । यस्तै, कोरोना भाइरसविरुद्धको बुस्टर डोज १ लाख ६८ हजार ९ सय ६९ मात्रा लगाइएको छ ।
Related News
सम्बन्धित समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
hero news full width
मुख्य समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१