स्याङ्जा । नेपाली कांग्रेस स्याङ्जाका ११ वटै पालिकाको नतिजा सार्वजनिक भएको छ । चापाकोट नगरपालिकामा सर्वसम्मत नेतृत्व चयन भएको हो भने अन्य १० पालिकामा मतदान भएको थियो ।
५ नगरपालिका र ६ गाउँपालिकामध्ये वालिङ नगरपालिका र कालीगण्डकी गाउँपालिकाको नतिजा प्रतिस्पर्धी उम्मेदवार र मतदाता संख्या बढी रहेकाले ढिलो भएको बतायएको छ । अधिवेशनको औपचारिक उद्घाटन भने शनिबार नै भएको थियो ।
पुतलीबजार नगरपालिकामा सुरजकुमार अधिकारी २ सय ३२ मतका साथ निर्वाचित भए भने उनका प्रतिस्पर्धी बिक्रान्तकुमार (सुवर्ण) श्रेष्ठले १ सय ८ मत ल्याएका थिए । भीरकोट नगरपालिकामा १ मतको अन्तरले यामप्रसाद अधिकारी (लक्ष्मण) निर्वाचित भए । अधिकारीले १ सय मत प्राप्त गर्दा उनका प्रतिस्पर्धी दीपेन्द्र केसीले ९९ मत पाए ।
वालिङ नगर सभापतिमा नेत्रप्रसाद पाण्डे विजयी भए । उनले २ सय ४९ मत पाउँदा अर्का उम्मदेवार भुपराज बगालेले १ सय ९० मत पाए । कुल ४ सय ४७ जना मतदाता रहेको वालिङमा जम्मा ४ सय ४४ मत खसेको थियो ।
गल्याङ नगरपालिकामा १ सय ८२ मतका साथ श्यामप्रसाद बस्याल निर्वाचित भए । उनका प्रतिस्पर्धी हरि खनालले भने ६७ मत ल्याए । यसैगरी, फेदीखोला गाँउपालिकाको सभापतिमा महेन्द्र थापा निर्वाचित भए । थापाको ५२ मत पाउँदा उनका प्रतिस्पर्धी लालबहादुर अधिकारीले २५ मत पाए । आँधीखोला गाउँपालिकामा सभापतिका उम्मेदवार नरेन्द्र पौडेलले ६१ मत ल्याए भने उनका प्रतिस्पिर्धी नवीन ढकालले ४७ मत प्राप्त गरे ।
अर्जुनचौपारी गाँउपालिकामा विष्णु काफ्लेले ५८ मत पाउँदा उनका प्रतिस्पर्धी बद्री पौडेलले ३४ मत र फनिनारायण अर्यालले २० मत पाए ।
बिरुवा गाउँपालिकाको सभापतिमा डोलराज पोख्रेल निर्वाचित भएका छन् । पोख्रेलको ७० मत आउँदा उनका प्रतिस्पिर्धी युवराज केसीले ६३ मत प्राप्त गरेका थिए । हरिनास गाउँपालिकामा टोपबहादुर भुजेल (टोपा) निर्वाचित भएका हुन् । उनले ६१ मत ल्याउँदा प्रतिस्पर्धी विक्रमबहादुर चन्द (कृष्ण) को ५३ मत थियो ।
कालीगण्डकी गाउँपालिका सभापतिमा नरबहादुर राना ८१ मत ल्याई विजयी भए । उनका निकटतम प्रतिस्पर्धी यामप्रसाद पाण्डेले ६९ मत पाए ।
योसँगै स्याङ्जा जिल्लाभरको नगर/गाउँ अधिवेशन शान्त वातावरणमा सम्पन्न भएको जिल्ला निर्वाचन अधिकृत अधिवक्ता रामचन्द्र गौतम (आरसी) ले जानकारी दिए । जिल्लाभर २ हजार २ सय ४७ मतदाता थिए ।
Related News
सम्बन्धित समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
मानव सेवा अश्रममा खाना खुवाइयो
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१