पोखरा । गण्डकी प्रदेशमा पछिल्ला दिनमा कोरोना संक्रमित भन्दा निको हुने बढ्न थालेका छन् । आइतबार प्रदेशमा ५ सय ४ जना संक्रमणमुक्त भएका छन् भने २ सय ३० जना संक्रमित भएको हुन् । शनिबार ४ सय ५६ र शुक्रबार ५ सय ४५ जनाले कोरोना जितेका थिए । योसँगै प्रदेशमा कोरोना निको हुनेको संख्या ७६ हजार ४ सय पुगेको छ । पछिल्लो २४ घन्टामा थप २ हजार २ सय ६० जना संक्रमणमुक्त भएका छन् । हालसम्म नेपालमा कोरोनामुक्त हुनेको संख्या ७ लाख १२ हजार ७ सय १२ छ ।
पछिल्लो २४ घन्टामा गण्डकी प्रदेशमा थप २ सय ३० जनामा कोरोना पोजेटिभ देखिएको छ । आइतबार ९ सय ६२ को नमुना परीक्षण गर्दा २३.९ प्रतिशत संक्रमित भएका हुन् । कास्कीमा ३४ पुरुष तथा १९ महिला गरी ५३ जनासहित म्याग्दीका २० जना, पर्वतका १७ जना, गोरखाका १३ जना, लमजुङका १६ जना, तनहुँका ११ जना, बागलुङका २१ जना, स्याङ्जाका ४१ जना र नवलपुरका ३८ जना गरी प्रदेशका ९ जिल्लामा गरी १ सय १५ पुरुष तथा १ सय १५ जना महिलामा कोरोना पुष्टि भएको हो ।
योसँगै गण्डकी प्रदेशमा कोरोना संक्रमितको कुल संख्या ८१ हजार १ सय ८ पुगेको छ । जसमा सक्रिय संक्रमितको संख्या ३ हजार ४ सय १८ छ ।
पछिल्लो २४ घन्टामा १ हजार २ सय १४ जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयकाअनुसार ७ हजार २ सय ५९ पिसिआर परीक्षणमा आइतबार थप १ हजार २ सय १४ जनामा संक्रमण पुष्टि भएको हो । योसँगै नेपालमा कोरोना संक्रमण हुनेको संख्या ७ लाख ५९ हजार २ सय २२ पुगेको स्वास्थ्य तथा जनसंख्या मन्त्रालयले जनाएको छ । यस्तै एन्टिजेन विधिद्वारा गरिएको ३ हजार ३८ परीक्षणबाट १ सय ७४ जनामा पोजिटिभ देखिएको छ । २४ घन्टामा पिसिआर र एन्टिजेन विधिबाट गरिएको १० हजार २ सय ९७ परीक्षणमा १ हजार ३ सय ८८ जनामा संक्रमण पुष्टि भएको मन्त्रालयले जनाएको छ ।
कोरोना भाइरसको संक्रमण भई पोखराका विभिन्न अस्पतालमा उपचाररत थप ६ जनाको मृत्यु भएको छ । कोरोना संक्रमण पुष्टि भई पोखरा स्वास्थ्य विज्ञान प्रतिष्ठानको कोरोना उपचार केन्द्रमा उपचाररत पोखरा १५ का ८३ वर्षीय पुरुष, पोखरा १ की ६५ वर्षीया महिला र तनहुँको व्यास ११ की ६४ वर्षीया महिलाको आइतबार मृत्यु भएको गण्डकी स्वास्थ्य निर्देशनालयले जनाएको छ । प्रतिष्ठानमा शनिबार पोखरा १५ का ५० वर्षीय पुरुष र तनहुँको भीमाद २ की ८० वर्षीया महिलाको उपचारको क्रममा मृत्यु भएको छ ।
निर्देशनालयका अनुसार गण्डकी मेडिकल कलेजमा उपचाररत तनहुँको व्यास १ की ५५ वर्षीया महिलाको आइतबार उपचारकै क्रममा ज्यान गएको छ । योसँगै गण्डकी प्रदेशमा कोरोनाबाट मृत्यु हुनेको संख्या १ हजार २ सय ९० पुगेको छ । नेपालमा कोरोना संक्रमणबाट थप २४ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या १० हजार ७ सय १४ पुगेको छ ।
Related News
सम्बन्धित समाचार
एमाले मुस्ताङको अध्यक्षमा दीपक लालचन
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
hero news full width
मुख्य समाचार
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१