पोखरा । गण्डकी प्रदेशमा थप २ सय ८९ जनाले कोरोना जितेका छन् । पछिल्लो समय कोरोना संक्रमितभन्दा निको हुनेको संख्या कम छ । मंगलबार ३ सय ६६ जनामा कोरोना पुष्टि भएको हो । सोमबार २ सय १६ जना निको भएकोमा ३ सय २ संक्रमित भएका थिए । योसँगै प्रदेशमा कोरोना जित्नेको संख्या ५३ हजार ६ सय ३९ पुगेको छ ।
प्रदेशमा १ हजार २ सय जनाको नमुना परीक्षण गरिएकोमा गण्डकीमा ३०.५ प्रतिशतमा कोरोना पोजेटिभ देखिएको हो । मुस्ताङमा शून्य संक्रमित हुँदा कास्कीका १ सय ३४ सहित मनाङका १, म्याग्दीका ४ र पर्वतका २८ जनामा कोरोना देखिएको हो ।
यसैगरी गोरखाका ४८, लमजुङका १९, तनहुँका ५२, बागलुङका २७, स्याङ्जाका २० र नवलपुरका ३३ जनामा कोरोना संक्रमण भएको हो । प्रदेशका १० जिल्लामा १ सय ९३ पुरुष तथा १ सय ७३ जना महिलामा कोरोना पुष्टि भएको हो । योसँगै गण्डकी प्रदेशमा कोरोना संक्रमितको कुल संख्या ५७ हजार ७ सय ८४ पुगेको छ ।
नेपालमा १ हजार ७ सय १८ जनामा कोरोना भाइरस संक्रमण देखिएको छ । स्वास्थ्य मन्त्रालयका अनुसार ७ हजार ५ सय ३ पिसिआर परीक्षणमा मंगलबार थप १ हजार ७ सय १८ जनामा संक्रमण पुष्टि भएको हो । यो सँगै नेपालमा संक्रमित हुनेको संख्या ६ लाख ४८ हजार ८५ पुगेको छ ।
यस्तै एन्टिजेन विधिद्वारा गरिएको ५ हजार ८२ परीक्षणबाट ९ सय १६ जनामा पोजिटिभ देखिएको छ । २४ घन्टामा पिसिआर र एन्टिजेन विधिबाट गरिएको १२ हजार ५ सय ८५ परीक्षणमा २ हजार ६ सय ३४ जनामा संक्रमण पुष्टि भएको मन्त्रालयले जनाएको छ । नेपालमा थप १ हजार ५ सय ६५ जना संक्रमणमुक्तसँगै निको हुनेको कुल संख्या ६ लाख १२ हजार ९ सय ९४ पुगेको छ ।
हालसम्म देशभर २३ लाख ८३ हजार ५ सय ४४ नमुनाको पिसिआर परीक्षण भएको छ । क्वारेन्टाइनमा ३ सय ३० जना छन् आइसोलेसनमा रहनेको संख्या २५ हजार ८ सय २८ छ ।
थप ७ को मृत्यु
गण्डकीमा कोरोना संक्रमणबाट थप ७ जनाको मृत्यु भएको छ । मंगलबार नवलपुरका ३ सहित कास्कीका २, बागलुङ र गोरखाका १/१ जनाको ज्यान गएको हो । नेपालभर १५ जनाको कोरोनाबाट मृत्यु भएका गण्डकीमै ७ जनाको निधन भएको हो ।
नवलपुरको कावासोती नगरपालिका ३ का ८१ वर्षीय पुरूषको भरतपुर अस्पताल, चितवनमा उपचारको क्रममा मृत्यु भएको हो । नवलपुरको देवचुली नगरपालिका ४ की ६८ वर्षीया कोरोना संक्रमित महिलाको भरतपुर अस्पताल, चितवनमा उपचारको क्रममा निधन भएको हो । नवलपुरको मध्यविन्दु नगरपालिका ७ की ६४ वर्षीया महिलाको पनि भरतपुर अस्पताल, चितवनमा उपचारको क्रममा ज्यान गएको हो ।
पोखरा १४ का ६२ वर्षीय पुरूषको पोखरा स्वास्थ्य विज्ञान प्रतिष्ठानमा, पोखरा १२ की ७० वर्षीया महिलाको गण्डकी मेडिकल कलेजमा उपचार क्रममा निधन भएको हो । बागलुङको बाग्लुङ नगरपालिका ३ का ६८ वर्षीय पुरूषको मणिपाल शिक्षण अस्पतालमा, गोरखा सिरानचोक गाउँपालिका ४ का ५८ वर्षीय पुरूषको पोखरा स्वास्थ्य विज्ञान प्रतिष्ठानमा ज्यान गएको छ ।
योसँगै प्रदेशमा कोरोना संक्रमणबाट मृत्यु हुनेको संख्या ९ सय ७४ पुगेको छ । नेपालमा थप १५ जनाको मृत्यु भएसँगै हालसम्म ९ हजार २ सय ६३ जनाले ज्यान गुमाएका छन् ।
Related News
सम्बन्धित समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
hero news full width
मुख्य समाचार
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१