पोखरा । पोखरा उद्योग वाणिज्य संघका पूर्व अध्यक्ष रमेश कर्माचार्यको निधन भएको छ । कोरोना संक्रमणका कारण ६५ वर्षको उमेरमा बिहीबार बिहान ३ः३० बजे काठमाडौंको निदान अस्पतालमा उनको निधन भएको हो ।
परिवारसँगै काठमाडौंमा रहेका बेला २० दिनअघि उनमा कोरोना पुष्टि भएको थियो । १५ दिनदेखि उनलाई अस्पताल भर्ना गरिएको थियो । सुरुवातमा ब्लु क्रस हस्पिटल राखिएको भोलिपल्ट निदान लगिएको उनका काका ईश्वर कर्माचार्यले जनाए ।
‘संक्रमण भइकन पनि स्वास्थ्य सामान्य रहेकोमा अक्सिजन नहुँदा अस्पताल लगिएको थियो,’ ईश्वर कर्माचार्यले भने, ‘तीनदेखि फिभर पनि बढ्यो, अक्सिजन स्टेवल नहुँदा भेन्टिलेटर राखिएको थियो । तर बिहान यस्तो खबर सुन्नुप¥यो ।’ उनका परिवारका सदस्यमा समेत कोरोना देखिएकामा हाल सबै संक्रमणमुक्त छन् ।
स्व. कमाचार्यको बिहीबार दिउँसो काठमाडौं आर्यघाटमा नेपाली सेनाका सहयोगमा अन्त्येष्टि भएको छ । पोखरा–११, रानीपौवा स्थायी बसोबास रहेका उनका श्रीमती र २ छोरा छन् ।
पोखरा उद्योग वाणिज्य संघमा २०५९ देखि २०६१ सम्म अध्यक्षको जिम्मेवारी सम्हालेका उनी पोखराका स्थापित व्यवसायी थिए । त्यसअघि संघमा २०४७ सालमा साधारण सदस्य, २०५३–२०५५ सम्म उपमहासचिव र २०५७–२०५९ सम्म महासचिव थिए । संघद्वारा सञ्चालित बालश्रम न्यूनीकरण कार्यक्रम संयोजक रुपमा रहेर समेत उनले लामो समयसम्म काम गरेका थिए ।
पोखरामा स्थापित हिमचुली विकास बैंक (हाल लुम्बिनी विकास बैंक) का उनी संस्थापक अध्यक्ष हुन् । लायन्स क्लब अफ पोखरा लेकसिटीका पूर्व अध्यक्ष उनी राष्ट्रिय हक्की खेलाडीको रुपमा समेत परिचित थिए ।
कर्माचार्य परिवारले सञ्चालन गरेको कपडा पसल पोखराकै सबैभन्दा पुरानो कपडा पसल हो । उनका बाजे श्यामप्रसाद कमाचार्यले सबैभन्दा पहिले कपडा पसल चलाएका थिए । महेन्द्रपुलको पुलमुनि गंगाप्रसाद श्यामप्रसाद कर्माचार्य कपडा पसल परिवारले अझै पनि चलाउँदै आएको छ ।
विभिन्न संघसंस्थामा आबद्ध उनी सामाजिक कार्यमा रुचि राख्थे । धार्मिक कार्यक्रममा पनि उनी संलग्न हुने गर्थे । तुलसीमार्ग टोल विकास संस्थाका पूर्व अध्यक्ष उनी गण्डकी बोर्डिङ स्कुलमा अभिभावकतर्फबाट पूर्व सञ्चालक सदस्य थिए ।
यसैबीच, पोखरा उद्योग वाणिज्य संघले कर्माचार्यको निधनप्रति दुःख व्यक्त गरेको छ । संघका महासचिव सुरेन्द्रमान बिजुक्छेले विज्ञप्ति जारी गर्दै पूर्व अध्यक्ष एवं हालका सल्लाहकार कर्माचार्यको निधनबाट संघलाई अपूरणीय क्षति पुगेको जनाएका छन् । साथै संघले आफ्नो अभिभावक एवं कर्मशील व्यवसायी एवं समाजले एक असल समाजसेवी गुमाएको विज्ञप्तिमा उल्लेख छ । संघ सचिवालयमा रहेको झन्डा आधा झुकाएर श्रद्धाञ्जली व्यक्त गर्दै चिरशान्तिको कामनाका साथै शोकसन्तप्त परिवारजनमा हार्दिक समवेदना व्यक्त गरिएको छ ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१