हेमजा । राष्ट्रिय गौरवको आयोजना पुष्पलाल मध्यपहाडी लोकमार्ग निर्माण अन्तर्गत पोखरा २५, हेमजा खण्डको काम अन्तिम चरणमा पुगेको छ । जसअन्तर्गत याम्दीदेखि बाँसबोटसम्मको १० किलोमिटर सडकखण्ड कालोपत्रे भइसकेको छ । बाँसबोटदेखि फेदीसम्मको २ किलोमिटर सडक कालोपत्रेका लागि पनि हाल प्राइम कोट लगाउने काम जारी छ । त्यस्तै बाँकी रहेको नाला, पुल र पर्खाल निर्माणको काम पनि धमाधम भइरहेको छ ।
कोरोना संक्रमणको यो बेलामा पनि दैनिक साठी मजदुरले काम गरिरहेको र सोमबारसम्ममा पूरा योजनाको ९० प्रतिशत काम सकिएको आयोजनाका सब इन्जिनियर नरेन्द्र महराले जानकारी दिए ।
यसै आर्थिक वर्षभित्र सम्पूर्ण कार्य गरिसक्ने योजनाका साथ कार्यलाई तीव्रता दिइएको पनि सब इन्जिनियर महराको भनाइ छ । उनले अबको १/२ हप्ताभित्रै डिभाइडर खण्डमा फूलबारी निर्माणका लागि सम्याउने साथै सडक संकेत राख्न÷लेख्न पनि सुरु गरिने बताए ।
उक्त सडकखण्ड निर्माणको जिम्मा काठमाडौंस्थित शर्मा एन्ड कम्पनीलाई २०७४ असोज १ गते ३ वर्षभित्र सक्ने गरी दिइएको हो । जसको लागत १ अर्ब ९६ करोड छ । यद्यपि कोरोना भाइरसको प्रभाव र बीच सडकस्थित विद्युत् पोलका कारण निर्धारित समयमा काम सम्पन्न गर्न नसकिएको कम्पनीको दाबी छ ।
सडक कुल ३० मिटर फराकिलो बनाइएको छ । जसअन्तर्गत अधिकांश स्थानमा डिभाइडरको रुपमा बीच भागमा ३ मिटरको फूलबारी तथा दायाँबाँया २ मिटर फराकिला नाला निर्माण गरिएको छ । दुबैतर्फ समान ३ लेनको बाटो बनाइएको छ ।
सडक निर्माणले पूर्णता पाउन लागेसँगै स्थानीयहरुमा खुसी छाएको पूर्व नवलपरासी घर भई हाल हेमजा माइत बस्दै आएकी तारा ढुंगानाले बताइन् । ‘पहिला साँघुरो खाल्टाखुल्टी सडक थियो । अहिले यति विधि चाक्लो भयो, यसैमा हामी खुसी छौं,’ उनले भनिन् ।
यता कतिपय हेमजाबासीले निर्माणको गुणस्तरमा प्रश्नसमेत उठाएका छन् । उनीहरुले निर्माणमा कम गुणस्तरीय सामग्री प्रयोग गरेको, बर्खायामको भल बाढी व्यवस्थापनलाई ख्याल नगरिएको, बाटोकै कारण कतिपय घर जोखिममा परेको, सिचाइँका स्थानीय नहरहरुलाई ध्वस्त पारिएको लगायत गुनासो पोखेका छन् ।
यता निर्माण कम्पनीले भने बाटोको गुणस्तर कायम गरेको दाबी गरेको छ । ‘गत वर्षको बाढीले कहीँ कतै भत्केको हुन सक्छ, योजना सम्पन्न गर्नुअघि सम्पूर्ण कुरा हेरिन्छ,’ सब इन्जिनियर महराले भने ।
Related News
सम्बन्धित समाचार
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
hero news full width
मुख्य समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१