कोरोना महामारी नियन्त्रणको मुख्य उपाय हो, मानिस मानिस भेट नहुने । त्यसैका लागि जिल्ला प्रशासन कार्यालयहरुले निषेधाज्ञा जारी गरेका छन् । तर सर्वसाधारण नागरिक यसलाई अझै मजाक ठानिरहेका छन् । अनि पूर्णरुपमा बन्द गर्दा अर्थतन्त्रमा समेत नकारात्मक असर पर्ने भएकाले पनि होला यो वर्ष पोहोरभन्दा केही होलो नै छ । तर संक्रमित र मृत्यु हुनेको संख्या सुन्दा भने आङ नै जिरिंग हुने खालको छ । कसैको परिवारै रित्तिएको छ, कति काखे बालबालिका टुहुरा भएका छन् । सरकारी आँकडामा हेर्दा एक जनाको मृत्यु सामान्य लाग्छ । तर एकजनाको मृत्युको असर परिवारमा, समाजमा कसरी पर्छ हेरौं त ? अवस्था भयावह छ । अहिले महामारी फैलिनुको कारण मुख्य त भारतीय खुला सीमा नै हो । दोस्रो, हाम्रो समाजमा हुने गरेका बिहे, व्रतबन्ध, पूजाआजा जस्ता सामाजिक संस्कार । जुन अहिले पनि चलिरहेका छन् । कास्की र आसपासका जिल्लाको आँकडा हेर्ने हो भने यस्तै पूजाआजामा भेला भएका कारण गाउँमा महामारी फैलिएको छ । सहरको हालत त उस्तै छँदै छ ।
हामीसँग विभिन्न बाध्यता छन् । नागरिकलाई सधैं थुनेरमात्र पनि केही हुँदैन । अर्थतन्त्र चलायमान हुनुपर्छ । यसका लागि पनि अहिले खुकुलो छ । कोरोनाबाट बच्नका लागि अर्को मुख्य उपाय भनेकै खोप साबित भएको छ । भारत सरकारको सहयोगमा आएको खोप केहीले लगाइ पनि सकेका छन् । अन्यत्रबाट पनि खोप ल्याएर लगाउने काम भएको छ । अमेरिकामा भर्खरै खोप लगाउने लहर सुरु भइरहँदा नेपालमा पनि खोप भित्रिएको थियो । थोरै नै भए पनि केही नेपालीले खोप लगाउने अवसर पाए । दोस्रोपटक ल्याएर ज्येष्ठ नागरिकका लागि खोप लगाइयो । जसको दोस्रो डोजका बारेमा अझै पनि अन्योल नै छ । जति अन्तरमा खोप लगाउनुपर्ने हो, त्यति समयभित्र उनीहरुले लगाउन पाउनेमा शंका उब्जेको छ ।
खोप भरपर्दो आधार हो भन्ने कुरा विश्वका नामुद वैज्ञानिकहरुले पत्ता लगाइसकेका छन् । विश्व र नेपालको तथ्यांक हेर्ने हो भने पनि खोप लगाएकाहरुमा संक्रममण दर कम छ । संक्रमण भइहाले पनि ज्यान जाने खतरा कम छ । केही दिन अघि त्रिभुवन विश्वविद्यालय शिक्षण अस्पतालको रेकर्डले त्यही भनेको थियो । त्यहाँ ज्यान गुमाएका संक्रमितमध्ये डबल डोज लगाएका कोही पनि थिएनन् । अनि पहिलो चरणको भाइरसका बेला बनाएको खोप अहिलेका लागि प्रभावकारी छैन भन्ने संशय पनि अब बाँकी छैन । राम्रोसँग काम गर्ने भनेर पुष्टि भइसकेको छ । यस्तो अवस्थामा नेपालका ३ तहकै सरकारले आफ्नो बजेट अब खोप खरिदका लागि विनियोजन गर्न जरुरी छ । पहिला नागरिक बच्नुप¥यो, त्यसपछि विकास निर्माणका काम त छँदै छन् ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१