पोखरा । गण्डकी प्रदेशको सरकार गठनको विषयमा गण्डकी प्रदेशका सांसद कृष्ण थापाले सञ्चार माध्यममा दिएका अभिव्यक्तिप्रति नेपाली कांग्रेस जैमिनी नगरपालिकाले ध्यानाकर्षण जनाएको छ ।
प्रदेश सरकार गठनका पछिल्ला राजनीतिक गतिविधि र त्यसमा प्रत्यक्ष भूमिकामा देखिएका गण्डकी प्रदेशका सांसद थापाले जनमोर्चा र कांग्रेसबीचको सम्बन्धका विषयमा दिएको सूचना गलत भएको जनाएको छ ।
बुधबार विज्ञप्ति निकाल्दै थापाले दिएको सूचना असत्य, पूर्वाग्रही र व्यक्तिगत स्वार्थपूर्तिको लागि भएको स्पष्ट पारेको छ । साथै नेपाली कांग्रेस जैमिनि नगरपालिकाका सभापति काशीराम आचार्यले यस्तो हर्कत देखाउनेमा उनी जनमोर्चाको पहिलो व्यक्ति नभएको पनि बताएका छन् । जनमोर्चा त्याग्ने र अन्य पार्टी प्रवेश गर्ने समयमा जनमोर्चाका धेरैले कांग्रेससँगको तिक्तताको विषय उठान गर्ने गरेको विज्ञप्तिमा उल्लेख गरिएको छ । नेकपा एमालेसँग नजिक हुन पनि यस किसिमको आरोप कांग्रेसलाई लगाउने पुरानो प्रचलन रहेको आर्चायले बताए ।
जनमोर्चा भित्र कुनै बौद्धिक तथा सैद्धान्तिकतामा नरही कांग्रेस विरोधी छवि बनाएका कारण थापाको अहिलेसम्म राजनीतिक बढोत्तरी नभएको उनले उल्लेख गरेका छन् । जनमोर्चाका कतिपय नेता, कार्यकर्ताहरुसँग नेपाली कांग्रेसको बहस छलफल हुने गरे पनि यस क्षेत्रमा दुष्मनीपूर्ण कुनै व्यवहार नभएको पनि विज्ञप्तिमा उल्लेख गरिएको छ ।
राष्ट्रिय जनमोर्चासँग राजनीतिक विषय प्रतिस्पर्धा वा सहकार्य भइरहेको छ । तर सामाजिक द्वन्द्व निम्त्याउन र व्यक्तिगत स्वार्थ पूरा गर्न गण्डकी प्रदेशका सांसद कृष्णबहादुर थापाको सार्वजनिक वक्तव्यको नेपाली कांग्रेस जैमिनी नगर समितिले भत्र्सना समेत गरेको छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१