पोखरा, ७ वैशाख । गण्डकी प्रदेशमा १ सय ७ पिसिआर परीक्षणमा ३२ जनामा कोरोना संक्रमण पुष्टि भएको छ । यो सहित प्रदेशमा कुल संक्रमित संख्या १७ हजार २ सय ६३ पुगेको छ ।
गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता प्रदेश स्वास्थ्य निर्देशनालय निर्देशक डा. विनोदबिन्दु शर्माका अनुसार गएको २४ घण्टामा १ सय ७ नमुना परीक्षणमध्ये पोखराका मात्रै २३ जनामा कोभिड–१९ पुष्टि भएको हो । साथै नवलपुरका ५, म्याग्दी र तनहुँका २/२ जनामा संक्रमण देखिएको छ । पोखराको लाइफ केयर एन्ड डायग्नोस्टिक प्रालि र नवलपुरको मध्यबिन्दु जिल्ला अस्पतालमा कास्कीका ६४, नवलपुरका २४, म्याग्दीका १२ र तनहुँ ६ जनाको नमुना परीक्षण भएको हो ।
प्रदेशमा अझै पनि ५ सय ६२ सक्रिय संक्रमित छन् भने ५ सय २२ जना होम आइसोलेसनमा छन् । २४ घण्टा अवधिमा २१ जना निको भएका छन् । कुल निको हुनेको संख्या १६ हजार ४ सय ९२ छ ।
देशभर पछिल्लो २४ घण्टामा थप १ हजार ७३६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८ हजार ७ सय ३८ परीक्षणमा आरटी–पीसीआरबाट १ हजार ६६७ जना र एन्टिजेनबाट ६९ जनामा संक्रमण पुष्टि भएको हो ।
यससँगै नेपालमा कुल संक्रमितको संख्या २ लाख ८७ हजार ५ सय ६७ पुगेको छ । तीमध्ये २ लाख ७५ हजार ८ सय ६ निको भएका छन् । पछिल्लो २४ घण्टामा २ सय ५१ संक्रमित निको भएका मन्त्रालयले जनाएको छ । निको हुने दर ९५.९५ रहेको छ ।
देशभर सक्रिय संक्रमितको संख्या ८ हजार ६ सय ५९ रहेको मन्त्रालयले जनाएको छ । कोरोनाले थप ११ जनाको मृत्यु भएको छ । यससँगै मृतकको कुल संख्या ३ हजार १ सय २ पुगेको छ ।
Related News
सम्बन्धित समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
मानव सेवा अश्रममा खाना खुवाइयो
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१