पोखरा । कोरोनाका कारण थलिएको पर्यटन क्षेत्रमा अहिले बिस्तारै चहलपहल बढ्न थालेको छ । विदेशी पर्यटकको भर नभए पनि स्वदेशी पर्यटकहरु अहिले हिँडडुल गरेकै छन् । यात्रामा सडक अर्थात् गाडी प्रयोग गर्ने एकथरी पर्यटक छन् । अर्काथरी छन् हवाई मार्ग प्रयोग गर्नेहरु । उबडखाबड बाटो, गन्तव्यमा पुग्नै सकस मान्नेहरुले अहिले हवाई यात्रा रोज्ने गरेका छन् ।
यात्रुको यसै रोजाइलाई बुद्ध एअरले सदुपयोग गर्ने भएको छ । पोखरालाई मुख्य सहरसँग हवाई सम्पर्क गराउन बुद्ध एअर उडान गर्ने भएको हो । पोखराबाट नेपालगञ्जसहित ५ गन्तव्यमा मे १ देखि नियमित उडान भर्ने गरी बुद्धले तयारी थालेको हो ।
पोखरा–भैरहवा, पोखरा–सिमरा, पोखरा–नेपालगन्ज, पोखरा–विराटनगर र भरतपुर–भैरहवा उडान गर्ने बुद्ध एअरका निर्देशक रुपेश जोशीले बताए । हाल अधिकांश उडान काठमाडौंबाट देशका विभिन्न गन्तव्यमा गर्दै आएको बुद्धले अबदेखि काठमाडौंबाहिर पनि एक सहरबाट अर्को सहरमा पनि उडान गर्न लागेको उनले जानकारी दिए ।
यही मे १ देखि (वैशाख १८ गते) नयाँ गन्तव्यमा उडान सुरु गर्ने बुद्धले जानकारी दिएको छ । जोशीका अनुसार नयाँ गन्तव्यको उडान बिचक्राफ्टबाट हुनेछ । सुरुमा यी सबै गन्तव्यमा हप्ताको ३ उडान गर्ने र यात्रुको चाप बढ्दै गएपछि दैनिक उडान गर्ने एयरलाइन्सको योजना छ ।
यात्रुको माग बढ्दै गएर दैनिक उडान हुने अवस्था आएमा एटिआर–७२ जहाजबाट उडान गरिने बुद्धका एअरका निर्देशक जोशीले बताए । अहिलेसम्म काठमाडौंबाट हुने उडानमा मात्र धेरै ट्राफिक देखिएकाले आन्तरिक उडान गर्ने एयरलाइन्सले नयाँ उडान यही रुटमा थपिरहेका छन् ।
अहिले बुद्ध एअरले पोखरबाट भरतपुर र भैरहवा नियमित उडान भर्दै आएको छ । यी छोटा रुटका उडानमा कम्पनीले नाफा घाटाको हिसाब नगर्ने र अन्तको उडानबाट कभर गर्ने बुद्ध एअरका पोखरा कार्यालय प्रमुख गौतम बरालले बताए ।
उडानका हिसाबले फाइदा हुने पोखरा जोमसोम र लुक्लाको उडानका लागि सबै तयारी भए पनि कोरोनाको त्रासले जहाज ल्याउन नसकिएको कम्पनीले जनाएको छ । बुद्ध एअरले अहिले ७२ सिटे ९ वटा जहाजबाट उडान भर्दै आएको छ । ४७ सिटे जहाज र ३ र बिचक्राप्ट २ वटा जहाजले देशभर उडान गर्दै आएको निर्देशक जोशीले बताए ।
केही दिनमा अर्को जहाज थपिँदै छ । अहिले एअरलाइन्ले भाडा दर सस्तो गरेका कारण स्वदेशी यात्रुको संख्या ह्वात्तै बढेको छ । यात्रुको मागलाई ध्यानमा राख्दै पोखराबाट भद्रपुर र सुर्खेत पनि उडान भर्न सकिने कम्पनीले जनाएको छ ।
हालका लागि पोखरा सिमरा एकतर्फी भाडा कम्तीमा ४ हजार ३ सय रुपैयाँ राखिएको छ ।
नेपालगन्जको ४ हजार ५ सय, विराटनगरको ६ हजार, भैरहवाको ३ हजार १ सय भाडादर तोकिएको छ । पोखरा सिमरा उडान बुध, शुक्र र आइतबार हुनेछ । विराटनगर सोम, बिही र शनिबार र नेपालगन्ज बुध, शुक्र र आइतबार उडान गरिने एअरलाइन्सले जनाएको छ ।
नाट्टा पोखरा अध्यक्ष सञ्जयकान्त सिग्देलले बुद्ध एअरको यो कदमले पर्यटन व्यवसायीलाई ऊर्जा मिलेको बताउँछन् । उनले भने, ‘बुद्ध एअरको यो कार्यको हामी स्वागत गर्छौ, यसले पोखराको पर्यटनलाई ठूलो सहयोग पु¥याउँछ ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१