हेमजा । राष्ट्रिय सभाका अध्यक्ष गणेशप्रसाद तिमिल्सिनाले सत्ता बार्गेनिङ गर्ने नेपाली राजनैतिक दलको परिपाटी नै गलत भएको बताएका छन् । पोखरा ५ पस्र्याङस्थित सामुदायिक भवन उद्घाटनपछि सभाध्यक्ष तिमिल्सिनाले शुक्रबार सो कुरा बताएका हुन् । नेपालका राजनीतिक दलहरु सत्ताका लागि मरिहत्ते गर्ने गरेको आरोप लगाउँदै सभाध्यक्ष तिमिल्सिनाले पछिल्लो विवाद पनि देश र जनताको सवालमा नभई सत्ता बार्गेनिङ नै भएको दाबी गरे ।
अहिलेसम्मको हन्डर ठक्करबाट दलहरुको बुद्घि फिर्ने विश्वास व्यक्त गर्दै अध्यक्ष तिमिल्सिनाले अपारदर्शी र स्वार्र्थी गठबन्धनमा नलाग्न पनि सुझाए । एकतामा नै शक्ति हुने भन्दै अध्यक्ष तिमिल्सिनाले त्यसको उदाहरण सामुदायिक भवन निर्माण भएको उल्लेख गरे ।
पोखरा ५ का अध्यक्ष तथा पोखरा महानगरपालिकाका प्रवक्ता धनबहादुर नेपालीले विकास निर्माणमा वडाले सक्दो पहल लिइरहेको बताए । ‘जनता मालिक हुन् भन्ने मूल मर्मलाई आत्मसात् गर्दै वडाले काम गरिरहेको छ,’ उनले भने, ‘विकासमा सहकार्य हुन्छ ।’ वडाध्यक्ष नेपालीले यसै वर्ष भवनसम्म पुग्ने बाटो ढलान गर्न बजेट विनियोजन गर्ने प्रतिबद्घतासमेत जनाए ।
कास्की कांग्रेस क्षेत्र नं. ३ का सभापति पोषनाथ शर्माले राजनीतिक रुपमा क्षतविच्छेद समाजलाई टोल विकासले जोडेको विचार राखे ।
कार्यक्रममा एमाले वडाध्यक्ष विष्णुप्रसाद बराल, कांग्रेस वडा सभापति फणिन्द्रराज पराजुली, समाजसेवी भरतबहादुर अधिकारी, निर्माण समितिका कोषाध्यक्ष खिमबहादुर कार्की, समाजसेवी वेदनिधि शर्मा, अनुगमन समिति संयोजक महेन्द्रराज दाहाल, रातामाटा आमा समूह अध्यक्ष पवित्रा शर्मा, आमा समूहकी उपाध्यक्ष सीता शर्मा, सल्लाहकार लेखनाथ सोती, टोल विकास संस्थाका अध्यक्ष टेकनाथ तिमिल्सिना, निर्माण समितिका अध्यक्ष डिल्लीराम भट्टराई, सचिव विष्णुप्रसाद अधिकारी लगायतले बोलेका थिए । यसैबीच जग्गादाता दुर्गादत्त ढुंगाना र अनील पराजुलीसहित सहयोग दातालाई दोसल्ला र सम्मानपत्रद्वारा सम्मान गरिएको थियो ।
कुल २१ लाख ७ हजार ७ सय २८ को लागतमा २ तले पक्की भवन निर्माण गरिएको हो । निर्माणका लागि १ सय ९२ जना टोलवासीको आर्थिक सहयोग रहेको थियो । पोखरा ५ मा कुल २२ टोल विकास संस्था र १९ आमा समूह छन् ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१