पोखरा । मुख्यमन्त्री कप गण्डकी प्रदेशस्तरिय भलिबल प्रतियोगितामा शनिबार फाइनल खेल हुने भएका छन् । पोखरा रंगशालामा जारी प्रतियोगितामा शुक्रबार भएको महिला तथा पुरुष तर्फको सेमिफाइनल खेलले दुवै टोलीको फाइनल यात्रा तय गर्ने टोलीको टुंगो लागेको थियो । शनिबार हुने फाइनल खेलमा पुरुषतर्फ स्याङ्जा र तनहुँ तथा महिलातर्फ म्याग्दी र पर्वत भिड्ने भएका छन् ।
शुक्रबार भएको महिला तर्फको पहिलो सेमिफाइनल खेलमा म्याग्दीले तनहुँलाई ३–० को सोझो सेटमा हराएको हो । म्याग्दीले २५–११, २५–१९ र २५–१३ को सोझो सेटमा तनहुँलाई पाखा लगाएको हो । दोस्रो सेमिफाइनलमा पर्वतले आयोजक कास्कीलाई २५–१५, २५–२३ र २५–१२ को सोझो सेटमा पराजित गर्दै फाइनलमा म्याग्दीसँगको भेट पक्का गरेको हो ।
पुरुषतर्फको पहिलो सेमीफाइनल खेलमा स्याङजाले पर्वतलाई ३–१ सेटले पराजित गर्दै फाइनलमा पुगेको हो । स्याङ्जाले पहिलो दुवै सेट २५–२० र २५–१७ ले जितेको थियो । पर्वतले तेस्रो सेट २७–२५ ले आफ्नो पक्षमा पार्दै खेलमा फर्कने संकेत गरेको थियो । तर चौथो सेटमा स्याङ्जा खेलमा फर्किदै २५–१७ ले सहज जित निकाल्दै फाइनलको यात्रा तय गरेको हो । पुरुषतर्फको दोस्रो खेलमा तनहुँले म्याग्दीलाई ३–१ सेटले पराजित गर्दै फाइनलमा पुगेको हो । तनहुँले २१–२५,३२–३० २५–१४ र २५–२० को जित निकाल्दै फाइनलमा स्याङ्जासँगको भेट निश्चित गरेको हो ।
प्रतियोगिता संयोजक खगेन्द्र गौचनका अनुसार शनिबार बिहान महिला र पुरुषतर्फ दुवैको तेस्रो स्थानका लागि खेलहरु सञ्चालन हुनेछन । महिलातर्फ तेस्रो स्थानका लागि तनहुँ र कास्की तथा पुरुषतर्फ म्याग्दी र पर्वत भिड्नेछन् भने महिलाको फाइनल बिहान साढे ११ बजे बजे र पुरुषको फाइनल खेल दिउँसो १ बजे सुरु हुनेछ ।
प्रतियोगिताको बिजेता महिला र पुरुष टोलीले समान २–२ लाख रुपैयाँ नगदसहित ट्रफी, मेडल र प्रमाणपत्र तथा उपविजेता दुबैले नगद १–१ लाख रुपैयाँसहित ट्रफी, मेडल र प्रमाणपत्र प्राप्त गर्ने आयोजकले जनाएको छ । प्रतियोगितामा तृतीय स्थान प्राप्त गर्ने टोलीले नगद ५०–५० हजार रुयैयाँसहित ट्रफी, मेडल र प्रमाणपत्र प्राप्त गर्नेछन् भने सर्वोत्कृष्ट हुने महिला तथा पुरुष खेलाडीलाई नगद ५–५ हजार तथा उत्कृष्ट ‘सेटर’, ‘डिफेन्डर’, ‘स्पाइकर’ र ‘लिफ्टर’लाई समेत नगद ५–५ हजारसहित ट्रफी र मेडल प्रदान गरिने संघका उपाध्यक्ष तथा प्रतियोगिताका संयोजक गौचनले जानकारी दिए ।
Related News
सम्बन्धित समाचार
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
hero news full width
मुख्य समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१